تالعار ماڭىندا شەرزات پولاتتىڭ اعاسى ءولى تابىلدى

پوليتسيا دەپارتامەنتىنىڭ مالىمەتىنە سايكەس، ول 4 - قازان كۇنى قايتىس بولعان شەرزات پولاتتىڭ اعاسى. ەر ادام الدىن الا مالىمەت بويىنشا ءوز-وزىنە قول سالعان.

- اتالعان جاعدايى بويىنشا قىلمىستىق ءىس قوزعالدى. قازىرگى ۋاقىتتا بارلىق ءمان- جايدى انىقتاۋ ءۇشىن تەرگەۋ جۇمىستارى جۇرگىزىلىپ جاتىر. ازىرگە ءىستىڭ قىلمىستىق سيپاتى انىقتالعان جوق، - دەپ حابارلادى وبلىستىق پ د باسپا ءسوز قىزمەتى.

سونداي- اق پوليتسيا دەپارتامەنتىندە مارقۇم ش. پولاتتىڭ وتباسى وسى ۋاقىت بويى ءتارتىپ ساقشىلارىنىڭ قورعاۋىندا بولعانى حابارلاندى. سول كۇنى كۇزەتتە بولعان پوليتسيا قىزمەتكەرلەرىنىڭ ايتۋىنشا، ەر ادام ۇيدەن 23:30 دا شىعىپ، ءوز كولىگىمەن كەتىپ قالعان.

ەسكە سالايىق، 4-قازان كۇنى توبەلەستەن 16 جاسار جاس ءوسپىرىم قايتىس بولعانىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى