تالعار اۋدانى اكىمى اپپاراتىنىڭ باسشىسى قىزمەتىنەن بوساتىلدى
قونايەۆ. KAZINFORM - تالعار اۋدانى اكىمى اپپاراتىنىڭ باسشىسى اسلان قاسىمبايەۆ قىزمەتىنەن بوساتىلدى.
«سونىمەن قاتار تالعار اۋدانىنىڭ اكىمى تانات ەسەنكەلدى ۇلى ايداربەكوۆ جانە ونىڭ ورىنباسارى ايبەك دۇيسەمبەك ۇلى بيدايەۆ «سوگىس» تۇرىندەگى تارتىپتىك جاۋاپكەرشىلىككە تارتىلدى»، - دەلىنگەن رەسمي اقپاراتتا.
وسىعان دەيىن تالعار قالاسىنىڭ اكىمى باحىت قۋاتبەك ۇلى كۇرىشبەكوۆ، تالعار قالاسى اكىمىنىڭ ورىنباسارى ماتان ساعىندىق ءوز مىندەتتەرىن ءتيىستى دەڭگەيدە اتقارماعانى ءۇشىن لاۋازىمدارىنان بوساتىلعانى تۋرالى جازعان بولاتىنبىز.
ەسكە سالايىق، 4-قازاندا تالعار قالاسىنداعى توبەلەستەن ءبىر ادام قايتىس بولعانىن جازعانبىز.
اشۋلى تالعارلىقتار جاس ءوسپىرىم ولىمىنە بايلانىستى نارازىلىققا شىقتى.
اۆتور
الما مۇقانوۆا
