تاجىكستاندا ورىس تىلىندە جانە رەسەي فەدەراتسياسىنىڭ ستاندارتتارى بويىنشا وقىتىلاتىن بەس مەكتەپ اشىلدى

ول رەسەي پرەزيدەنتى ۆلاديمير پۋتينمەن كەزدەسۋدى جوسپارلاپ وتىر.

- ەمومالي راحمون رەسەيگە 21-22 - قاراشادا رەسمي ساپارمەن بارادى. ول رەسەي پرەزيدەنتى ۆلاديمير پۋتينمەن كەزدەسەدى. باسقوسۋلار شاعىن جانە كەڭەيتىلگەن قۇرامدا وتەدى، - دەدى تاجىكستان پرەزيدەنتى باسپا ءسوز قىزمەتىنىڭ باسشىسى ابدۋفاتتوح شاريفزودا.

باسپا ءسوز قىزمەتى سونداي- اق راحموننىڭ 23 - قاراشادا ۇ ق ش ۇ سامميتىنە قاتىساتىن مينسكىگە (بەلارۋس) بارۋدى جوسپارلاپ وتىرعانىن اتاپ ءوتتى. رەسەي پرەزيدەنتىنىڭ باسپا ءسوز حاتشىسى دميتري پەسكوۆ كەلەسى اپتادا تاجىك كوشباسشىسىنىڭ ماسكەۋگە رەسمي ساپارى جوسپارلانعانىن راستادى.

راحموننىڭ پۋتينمەن بۇعان دەيىنگى كەزدەسۋى قازان ايىندا بىشكەكتە (قىرعىزستان) ت م د مەملەكەتتەرى باسشىلارى كەڭەسىنىڭ وتىرىسىندا ءوتتى. ەمومالي وسى جىلدىڭ مامىر ايىندا ماسكەۋگە جۇمىس ساپارىمەن بارعان بولاتىن. وندا تاجىكستان پرەزيدەنتى 8- مامىردا رەسەيگە ساپار شەگىپ، جەڭىستىڭ 78 جىلدىعىنا ارنالعان سالتاناتتى ءىس- شاراعا قاتىستى. رەسەي پرەزيدەنتىنىڭ رەسەيگە شاقىرۋىمەن راحموننىڭ رەسمي ساپارى 2019 -جىلدىڭ ساۋىرىندە بولدى. سودان كەيىن ەكى ەلدىڭ كوشباسشىلارى رەسپۋبليكادا ورىس تىلىندە جانە رەسەي فەدەراتسياسىنىڭ ستاندارتتارى بويىنشا وقىتىلاتىن بەس مەكتەپ قۇرۋعا كەلىستى. سونىمەن قاتار تاجىكستان ازاماتتارىن رەسەيدەگى ۋاقىتشا ەڭبەك قىزمەتىنە جانە تۋريزم سالاسىنداعى ىنتىماقتاستىققا ۇيىمداسقان تۇردە قابىلداۋ تۋرالى ۇكىمەتارالىق كەلىسىمدەرگە قول قويىلدى.

مەكتەپتەر 2022 -جىلى ەكى ەل پرەزيدەنتتەرىنىڭ قاتىسۋىمەن اشىلدى. تاجىكستاننىڭ ەڭبەك، كوشى- قون جانە حالىقتى جۇمىسپەن قامتۋ مينيسترلىگى رەسەي فەدەراتسياسىندا ۇيىمداستىرىلعان جۇمىسقا قابىلداۋ ازاماتتارعا ءوز قۇقىقتارىن قورعاۋعا جانە لايىقتى ەڭبەك جاعدايلارى مەن تابىستارىنا كەپىلدىك بەرۋگە مۇمكىندىك بەرەتىنىن بىرنەشە رەت اتاپ ءوتتى. تاجىكستان مەن رەسەي اراسىنداعى تۋريزم دە دامىپ كەلەدى. اتاپ ايتقاندا، رەسپۋبليكا پرەزيدەنت جانىنداعى ستاتيستيكا اگەنتتىگىنىڭ مالىمەتتەرى بويىنشا، 2023 -جىلدىڭ ءۇش توقسانىنىڭ قورىتىندىسى بويىنشا تاجىكستانعا ت م د ەلدەرىنەن 737,2 مىڭ تۋريست كەلدى، ونىڭ 248,1 مىڭى رەسەي فەدەراتسياسىنىڭ ازاماتتارى.

اۆتور

ابىلايحان جۇماشيەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى