تاشكەنتتە مەكتەپ ديرەكتورى ميليتسيانىڭ كوزىنشە وقۋشىنى ۇرىپ-سوقتى

ۆيدەوداعى دەرەككە سۇيەنسەك، تاشكەنت قالاسىنداعى №217 مەكتەپتىڭ 8-سىنىبىندا وقيتىن ەكى بالا كابينەتتە توبەلەسىپ قالعان. ءبىرى ەكىنشىسىنىڭ بەتىنەن جۇدىرىقپەن ۇرىپ، جاراقاتتاعان.

مۇنى بىلگەن مەكتەپ باسشىلىعى وقۋشىلاردى ديرەكتوردىڭ كابينەتىنە شاقىرعان. مەكتەپ ديرەكتورى، ديرەكتوردىڭ رۋحاني-تاربيە ءىسى جونىندەگى ورىنباسارى چيلونزور اۋدانى ىشكى ىستەر ءبولىمىنىڭ ينسپەكتور- پسيحولوگى، اعا لەيتەنانتتىڭ قاتىسۋىمەن وقۋشىلارعا ءتۇسىندىرۋ جۇمىستارىن جۇرگىزگەن. مەكتەپ باسشىسى بالالاردىڭ ءبىرىن تارتىپكە شاقىرۋ بارىسىندا وعان ۇرىسىپ، ۇرىپ-سوققان.

وسىدان كەيىن اۋدان اكىمىنىڭ ورىنباسارلارى، مەكتەپ اكىمشىلىگى، مۇعالىمدەر، ءى ءى ب قىزمەتكەرلەرى مەن اتا-انالاردىڭ قاتىسۋىمەن جيىن وتكەنى حابارلاندى. قازىرگى ۋاقىتتا وسى جاعدايدى قۇقىق قورعاۋ ورگاندارى تەكسەرىپ جاتىر.

«قۇرمەتتى ۇستازدار! وقۋشىلارعا كۇش قولدانۋ، ونىڭ ىشىندە بالاعاتتاۋ، ۇرىپ-سوعۋ پەداگوگ ەتيكاسىنا سايكەس كەلمەيتىنىن جانە بۇل ءۇشىن ءبىزدىڭ زاڭنامادا جازالاۋ شارالارى بەلگىلەنگەنىن تاعى ءبىر رەت ەسكە سالامىز. مۇنداي كەلەڭسىز جاعداي پەداگوگتىڭ بەدەلىنە نۇقسان كەلتىرەدى»، - دەلىنگەن حابارلامادا.

اۆتور

بەگابات ۇزاقوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى