تاشكەنتتە بيىكتىگى 62 مەتر بولاتىن وزبەكستان تۋى ورناتىلدى
تاشكەنت حالىقارالىق اۋەجايىنىڭ الدىنا الىستان كورىنەتىن وزبەكستان تۋى ورناتىلدى، دەپ حابارلايدى قازاقپارات gazeta.uz سايتىنا سىلتەمە جاساپ.
تاشكەنت قالاسى اكىمشىلىگىنىڭ حابارلاۋىنشا، تۋدىڭ بيىكتىگى 62 مەتر، ال ماتاسىنىڭ ولشەمى 12x24 مەتر.
اينالاسى 16 مەترلىك 38 جالاۋلارمەن قورشالعان، ولاردىڭ ولشەمى 2x4 مەتر. بۇل جالاۋلار قالادا وتكىزىلەتىن ۇلتتىق نەمەسە حالىقارالىق ءىس-شارالارعا، شەتەلدىك دەلەگاتسيالاردىڭ كەلۋىنە بايلانىستى وزگەرىپ تۇرادى.
سونىمەن قاتار، ەستاكادادان اۋەجايعا شىعاتىن جەردەگى اينالما جولدىڭ الدىندا سۋبۇرقاق، وڭ جاعىندا ۇلكەن پروەكتسيالىق ەكران ورناتىلعان.
اۆتور
جاراسقان نۇرىبايەۆ
