تاعى ءبىر قىتايلىق قازاق قىزى قىسقى ازيا ويىندارىنىڭ التىن مەدالىن ەنشىلەدى

قازاق قىزى ايەلدەر اراسىندا كونكيمەن جۇگىرۋدەن كوماندالىق ءىز قۋۋ جارىسىندا چەميون اتانىپ وتىر. قىتاي قۇراماسىنىڭ ناتيجەسى - 3 مينۋت 02.75 سەكۋند.

ال، جاپونيا جانە وڭتۇستىك كورەيا قۇرامالارى كۇمىس پەن قولا مەدالدى ءوزارا ءبولىستى.

ايتا كەتەرلىگى، وسى جارىستا قازاقستاندىق نادەجدا موروزوۆا، كريستينا شۋمەكوۆا جانە ماريا دەگەن جارىس جولىنا شىعىپ، وكىنىشكە قاراي جۇلدەگە ىلىنە المادى.

كونكيشى اقنار اداق - شينجاڭ ولكەسى قۇتىبي اۋدانىندا دۇنيەگە كەلگەن. بۇعان دەيىن 2019 -جىلعى قىتاي بىرىنشىلىگىنىڭ 5000 مەترلىك جارىسىندا - التىن، 3000 مەتردە - كۇمىس مەدال العان.

حالىقارالىق جارىستارعا دا قاتىسىپ، جۇلدەگەرلەر قاتارىنان كورىنىپ ءجۇر. 2016 -جىلى قىتايدىڭ ۇلتتىق قۇراماسىنا قابىلدانعان.

سونىمەن قاتار ول بىلتىر قاراشا ايىندا حاتينوحە قالاسىندا (جاپونيا) وتكەن ءتورت قۇرلىق چەمپيوناتىننىڭ چەمپيونى بولدى.

بۇعان دەيىن حابارلاعانىمىزداي، اقنار اداق بەيجىڭدەگى XXIV قىسقى وليمپيادا ويىندارىندا قىتاي قۇراماسى ساپىندا ونەر كورسەتكەن بولاتىن.

اۆتور

مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى