تاڭعاجايىپ جاعدايدا ءتىرى قالعان قىتايلىق شاحتەردىڭ حيكاياسى
ءار ادامنىڭ تابيعاتىندا ءومىر سۇرۋگە دەگەن قۇلشىنىس بار. ول قۇلشىنىستىڭ سالماعى قانشالىق نە كولەمى قانداي ەكەنىن قيىننان قيىستىرىپ جول تابا بىلگەن قاھارمان ارقىلى وزگە ادامدار دا سەزىنە الادى. Bugin.kz پورتالى سىزدەرگە ادامزات تاريحىنداعى الاپاتتان امان قالعان جاننىڭ ەڭ عاجايىپ وقيعاسى تۋرالى باياندايدى.
قىرىق جىل قىرعىن بولسا دا اجالى بار ولەدى. تاريحتا بۇل وي ءتۇيىندى قۋاتتاندىراتىن كوپتەگەن ادامنىڭ اپاتتان ياكي اۋرۋدان ءتىرى قالعان كەزدەرى كوپ. ءبىراق ءبىزدىڭ كەيىپكەرىمىزدىڭ وقيعاسى ومىرگە قۇشتارلىقتىڭ شىڭى دەرسىز...
1997 -جىلى قىتايدىڭ شينجاڭ پروۆينسياسىندا قاتتى جەر سىلكىنىسى سالدارىنان شاحتالاردىڭ ءبىرى وپىرىلىپ قۇلادى. شاحتا وتە قاراپايىم ادامداردىڭ تىرشىلىك قاۋىپسىزدىگىن قورعامايتىن بولدى. اعاش تىرەكتەر قۇلاپ، 118 ادامدى ءۇيىندىنىڭ استىندا قالىپ مەرت بولدى. بۇل بۇكىل قىتاي ءۇشىن قورقىنىشتى ءارى تراگەديالىق جاعدايات بولدى. ودان كەيىن كوپ جىلدار بويى شاحتا جابىلدى.
ءبىر عاجابى، جەر سىلكىنىسى كەزىندە شاحتادا بولعانداردىڭ ءبارى ولمەگەن ەكەن... قايعىلى وقيعا كەزىندە 42 جاستاعى چان ۆەي ەسىمدى ازامات ءتىرى قالعان. قانداي دا ءبىر عاجايىپتىڭ ارقاسىندا كەنشى امان قالعان. ول ولىمگە باس يمەي، تىرشىلىك ءۇشىن كۇرەسەدى. تەرەڭ جەر استىندا قالسا دا قولدا بار مۇمكىندىگىن قالت جىبەرمەيدى. وراسان زور جارىلىس بولسا دا، اپاتتىق جەلدەتۋ جۇيەسى قيراندى شاحتادا جۇمىسىن ىستەپ تۇرعان. بۇل فاكتور كەيىپكەرىمىزگە جىگەر مەن ءۇمىت سىيلايدى. توتەنشە جاعدايعا ارنالعان سۋ مەن كۇرىش قورىنىڭ مولشەرى دە كوپ بولدى. ۋاقىت وتە كەلە چان ۆەي ماڭايىندا كوپتەپ ءومىر سۇرەتىن ەگەۋقۇيرىقتاردى اۋلاپ ۇيرەنەدى. اس مازىرىنە شاحتانىڭ قابىرعالارىندا ءوسىپ، دارۋمەندەردىڭ كوزى بولعان فلۋورەستسەنتتى دە ەنگىزەدى.
شاحتەر ۇزاق جىلدار بويى وسىلاي جان باعىپ ءومىر سۇرگەن. ونىڭ نە ويلاپ، نەنى كۇتكەنى بەلگىسىز. دەگەنمەن 2014 -جىلى عاجايىپ وقيعا بولادى. قايعىلى وقيعا ۇمىت بولعاندا شاحتادا قايتا قازۋ جۇمىستارى جالعاسىن تابادى. جۇمىسشىلار تۋننەلدى اشقان ساتتە قاراڭعىدان ءتىرى ادام شىعادى. جۇمىسشىلاردىڭ بۇعان قالاي تاڭعالعانىن ەلەستەتۋ قيىن. چان ۆەي لەزدە اۋرۋحاناعا جاتقىزىلدى، سەبەبى ونىڭ جاعدايى وتە اۋىر ەدى. وكىنىشكە قاراي ونىڭ كەيىنگى تاعدىرى بەلگىسىز.
