ت ح ك ب ءدالىزى بويىنشا قىتايدان ليتي-يوندى باتارەيالاردى تاسىمالداۋ كوزدەلىپ وتىر

كەزدەسۋ مينيستر مارات قارابايەۆتىڭ بەيجىڭگە جۇمىس ساپارى اياسىندا ۇيىمداستىرىلدى. كەزدەسۋ بارىسىندا قازاقستاندىق ۆەدومستۆو باسشىسى ليۋ ۆەي مىرزانى قىتايدىڭ جاڭا كولىك ءمينيسترى قىزمەتىنە كىرىسۋىمەن قۇتتىقتاپ، كولىك سالاسىنداعى ىنتىماقتاستىقتى ودان ءارى نىعايتۋعا دايىن ەكەنىن ءبىلدىردى.

تاراپتار تەمىرجول جانە اۆتوموبيل كولىگى سالاسىنداعى تاسىمالداۋ كولەمىنىڭ ايتارلىقتاي ۇلعايعانىن، ەلدەر اراسىنداعى رەيستەر سانىنىڭ، سونداي-اق ترانسكاسپي حالىقارالىق كولىك مارشرۋتى (ت ح ك ب) بويىنشا تاسىمالداۋلاردىڭ ۇلعايۋىن اتاپ ءوتتى. قازاقستان مەن قىتاي اراسىنداعى تەمىرجول كولىگى سالاسىنداعى تاسىمالداۋ كولەمى اعىمداعى جىلدىڭ 10 ايىندا 13 پايىزعا ءوسىپ، 26,6 ميلليون تونناعا جەتتى.

اۆتوموبيل كولىگى سالاسىندا ءۇشىنشى توقساننىڭ قورىتىندىسى بويىنشا تاسىمالداۋ كولەمى 60 پايىزعا ءوسىپ، 1,9 ميلليون توننا بولدى. كەلىسسوزدەر بارىسىندا ت ح ك ب مارشرۋتىن بىرلەسىپ دامىتۋ، سونداي-اق جۇكتەردىڭ ۇزدىكسىز ءوتۋىن قامتاماسىز ەتۋ بويىنشا تۇراقتى جۇمىس توبىن قۇرا وتىرىپ، وسى ءدالىزدى بىرلەسىپ جۇكتەۋ تۋرالى كەلىسىمگە قول جەتكىزىلدى.

اتالعان كەلىسىم شەڭبەرىندە وسى جىلدىڭ جەلتوقسانىندا ت ح كب ءدالىزى بويىنشا قىتايدان ليتي-يوندى باتارەيالاردى تاسىمالداۋ بويىنشا سىناق رەيسىن ىسكە قوسۋ جوسپارلانىپ وتىر.

قازىرگى تاڭدا قىتايدان ت ح ك ب بويىنشا تاسىمال كولەمى جيىرمافۋتتىق ەكۆيۆالەنتتە 27 مىڭ كونتەينەردەن اسىپ كەتتى، بۇل وتكەن جىلدىڭ سايكەس كەزەڭىمەن سالىستىرعاندا 25 ەسە كوپ. سونىمەن قاتار، جاڭا باعىتتاردى قۇرۋ جانە قازاقستان مەن قىتاي اراسىنداعى ترانسشەكارالىق وزەندەر ارقىلى جۇك تاسىمالداۋدى دامىتۋ مۇمكىندىكتەرى تالقىلاندى.

سونداي-اق، كولىك ۆەدومستۆولارىنىڭ ۇيلەسىمدى جۇمىسىنىڭ ارقاسىندا مينيسترلەر سيفرلاندىرۋدىڭ ناتيجەسىندە رۇقسات بلانكىلەرىن حالىقارالىق اۆتوموبيل تاسىمالدارىنا ايىرباستاۋدىڭ ەلەكتروندىق فورماتىنا كوشكەنىن اتاپ ءوتتى. بۇل بلانكىلەردى تىكەلەي جۇك جونەلتۋشىلەرگە سيفرلىق پلاتفورما ارقىلى ءبىر ساعات ىشىندە الۋعا مۇمكىندىك بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى