سۇيىكتىسىنە ۇرلانعان گۇل سىيلاعان جىگىت جاۋاپقا تارتىلدى

ەلورداداعى رومانتيكاعا تولى وقيعا توسىن اياقتالدى. قالانىڭ ءبىر اۋدانىندا گۇل ساتاتىن دۇكەن يەسى ءتارتىپ ساقشىلارىنا جۇگىنىپ، گۇل شوعىنىڭ ۇرلانعانى تۋرالى شاعىمداندى. جابىرلەنۋشىنىڭ ايتۋىنشا، بەلگىسىز بىرەۋ گۇل جەتكىزۋشىنىڭ Hyundai Elantra كولىگىنەن، ەكى گۇل شوعىن الىپ كەتكەن.

ۇرلىق كەزىندە كولىك ەسىگى اشىق قالعان. شىعىن كولەمى - 100 مىڭ تەڭگە. پوليتسيا جەدەل ىزدەستىرۋ شارالارىنىڭ ارقاسىندا كۇدىكتىنى انىقتادى. ول 39 جاستاعى جەرگىلىكتى تۇرعىن بولىپ شىقتى.

ەر ادام بۇل ارەكەتىن تولىق مويىنداپ، گۇلدەردى سۇيىكتىسىمەن تاتۋلاسۋ ءۇشىن ۇرلاعانىن ايتتى.

ونىڭ ايتۋىنشا، ولار ۇرىسىپ قالعان، ال كەشىرىم سۇراۋ ءۇشىن گۇل سىيلاماق بولعان، ءبىراق اقشا تاپشىلىعى وسىنداي ارەكەتكە يتەرمەلەگەن. قازىر بۇل دەرەك بويىنشا قىلمىستىق ءىس قوزعالىپ، تەرگەۋ جۇمىستارى جۇرگىزىلىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى