سيريادا ۋاقىتشا ۇكىمەت قۇرىلدى

بۇل تۋرالى جەرگىلىكتى «ءال- ۋاتان» باسىلىمى حابارلادى. ۋاقىتشا ۇكىمەت مەملەكەتتىك مەكەمەلەردىڭ قاۋىپسىزدىگىن قامتاماسىز ەتۋگە جانە حالىققا قاجەتتى قىزمەت تۇرلەرىن كورسەتۋگە جاۋاپتى.

ەستەرىڭىزگە سالا كەتەيىك، ۋاقىتشا پرەمەر- مينيستر بولىپ مۇحاممەد ءال-باشير تاعايىندالعان بولاتىن. ونى ساراپشىلار كوتەرىلىسشى توپ جەتەكشىسىنىڭ جاقىن سىبايلاسى دەپ اتايدى. ءال-باشير 2022 -جىلى سيريانىڭ دامۋ جانە گۋمانيتارلىق ماسەلەلەر ءمينيسترى بولعان. بيىل قاڭتاردا ول ەلدىڭ سولتۇستىك-باتىسىن باقىلاۋدا ۇستايتىن كوتەرەلىسشىلەردىڭ «سيريانى قۇتقارۋ ۇكىمەتىنىڭ» باسشىسى رەتىندە تاعايىندالعان.

قازىر دامۋدىڭ «جول كارتاسى» جاسالىپ جاتىر. اكىمشىلىك حالىق ساناعىن جۇرگىزىپ، جاڭا كونستيتۋتسيا قابىلداپ، ەركىن سايلاۋ وتكىزەدى.

سيريا استاناسىنىڭ تۇرعىندارى بىرتىندەپ قالىپتى ومىرگە قايتا ورالىپ جاتىر. باشار اساد بيلىگى قۇلاعاننان كەيىن داماسكىدە العاش رەت جەكەمەنشىك بانكتەر قايتا اشىلدى. بانك وكىلدەرى كليەنتتەر سالىمدارى ءۇشىن الاڭداماسا بولادى دەيدى. قالاعا كوتەرىلىسشىلەر كىرگەننەن كەيىن قاسكويلەر قارجى مەكەمەلەرىن توناماق بولعان. بانكتەردەن بولەك داماسكتە بازارلار مەن دۇكەندەر دە بىرتىندەپ ءوز جۇمىسىن قايتا باستاپ جاتىر. تۇعىندار باشار اساد بيلىگى قۇلاعاننان كەيىن ەندى ءومىرى جاقسى جاققا وزگەرەدى دەگەن ءۇمىت پايدا بولعانىن ايتادى.

مەيسۋن ءال-كۋرابي، داماسك تۇرعىنى:

- سيريا ەندى وركەندەي تۇسەدەپ دەپ ويلايمىز. ادامدار ءوزىن قاۋىپسىز سەزىنە باستادى. بۇعان دەيىن ۇرەيدە ءومىر ءسۇرۋشى ەدىك. ەندى ءبارى وزگەرەدى دەپ سەنەمىن.

https://24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى