سىرتقى ىستەر مينيسترلىگى كورەيادا زاڭسىز جۇمىس ىستەپ جۇرگەندەرگە كەڭەس بەردى
سىرتقى ىستەر مينيسترلىگىنىڭ رەسمي وكىلى ايبەك سمادياروۆ وڭتۇستىك كورەيادا زاڭسىز جۇمىس ىستەپ جۇرگەن قازاقستان ازاماتتارىنا كەڭەس بەردى، - دەپ حابارلايدى Massaget.kz ءتىلشىسى.
س ءى م- دە وتكەن باسپا ءسوز ءماسليحاتىندا رەسمي وكىلگە «بۇگىندە الەمدەگى جاعداي ۋشىعىپ تۇر. يەمەندە نە بولىپ جاتقانىن بىلەسىز. وڭتۇستىك پەن سولتۇستىك كورەيا اراسىنداعى جاعداي دا كۇردەلى. ول جاقتا زاڭسىز جۇرگەن قازاق كوپ. وسىعان بايلانىستى سىرتقى ىستەر مينيسترلىگى ۇندەۋ جاساپ، ولاردىڭ ەلگە قايتۋىنا قانداي دا ءبىر كەڭەس بەرىپ، قانداي دا ءبىر شارالار قابىلداي ما؟» دەپ سۇراق قويىلدى.
ايبەك سمادياروۆ كورەيا تۇبەگىندەگى جاعداي ءبىرقالىپتى ەكەنىن جەتكىزدى.
«قازىر وڭتۇستىك كورەياداعى جاعداي تۇراقتى. ولارعا قانداي دا ءبىر قاۋىپ ءتونىپ تۇرعان جوق. سوندىقتان كورەيادا زاڭسىز جۇرگەن ازاماتتارعا ءوتىنىش بار. ولار زاڭدى ساقتاپ، ەلدە زاڭدى تۇردە ءجۇرۋى كەرەك. ولارعا ەشقانداي قاۋىپ ءتونىپ تۇرعان جوق»، - دەدى رەسمي وكىل.
ونىڭ ايتۋىنشا، بۇگىندە وڭتۇستىك كورەيادا 20 مىڭنان اسا قازاقستاندىق زاڭدى تۇردە ەڭبەك ەتىپ ءجۇر. قوس ەل اراسىندا جۇمىس ىستەۋگە قاتىستى ەشقانداي كەدەرگى جوق.
«ولاردىڭ كوبى - (ەتنيكالىق - ەسك.) كورەيالىقتار. ءبارى زاڭدى تۇردە جۇمىس ىستەيدى. ەگەر قازاقستان ازاماتى وڭتۇستىك كورەياعا بارىپ، زاڭدى تۇردە جۇمىس ىستەيمىن دەسە، ەش كەدەرگى جوق. ءبىراق كەيبىر ازاماتتار قوس ەل اراسىنداعى ۆيزاسىز رەجيمدى پايلالانىپ، ەكى مەملەكەتتى دە الداپ، سوندا زاڭسىز قالىپ وتىر. وسىدان پروبلەما تۋىنداپ جاتىر. الايدا ەكى مەملەكەتتىك اراسىندا زاڭدى تۇردە جۇمىس ىستەۋگە قاتىستى ەش كەدەرگى جوق. وندا دارىگەرلەر، جوعارى ءبىلىمدى IT ماماندارى ەڭبەك ەتىپ جاتىر»، - دەدى ايبەك سمادياروۆ.
