سىرت كيىمسىز اۋلادا ۇستاعان: پروكۋرورلار قارت ادامداردى ازاپتاۋ فاكتىلەرىن انىقتادى

اقسۋ قالاسىنىڭ پروكۋراتۋراسى قاداعالاۋ قىزمەتىن جۇزەگە اسىرۋ بارىسىندا جەرگىلىكتى بيۋدجەتتەن قارجىلاندىرىلاتىن پانسيوناتتاردىڭ( تۇرعىندارعا تولىق قىزمەت كورسەتەتىن قوناق ءۇي ءتۇرى، دەمالىس ءۇيى - رەد.)  بىرىندە قارتتارعا قاتىگەزدىك كورسەتۋ فاكتىلەرىن انىقتادى.

مەكەمەدە تۇسىرىلگەن بەينەجازبالاردى زەرتتەۋ بارىسىندا جانتۇرشىگەرلىك فاكتىلەر اشىلدى. پانسيونات قىزمەتكەرلەرى تۇراقتى ەكى دارمەنسىز قارت ادامعا ۇزاق ۋاقىت بويى قورلاپ، زورلىق-زومبىلىق كورسەتكەن.

- جابىرلەنۋشىلەردىڭ ءبىرىنىڭ جاسى - 84 تە. ولاردى ۇنەمى ۇرىپ-سوعىپ، قولدارىن بۇراپ، قىستىڭ سۋىعىندا سىرت كيىمسىز اۋلادا ۇستاعان، - دەلىنگەن پاۆلودار وبلىسىنىڭ پروكۋراتۋراسى حابارلاماسىندا.

وسى فاكتى بويىنشا اقسۋ قالاسىنىڭ پروكۋراتۋراسى ق ك 110-بابىنىڭ 2-بولىگى بويىنشا سوتقا دەيىنگى تەرگەپ-تەكسەرۋدى باستادى.

قازىرگى ۋاقىتتا بارلىق كىنالى ادامدار انىقتالدى.

تەرگەۋ بارىسى پروكۋراتۋرانىڭ ەرەكشە باقىلاۋىنا الىندى.

ق پ ك-نىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتىلمەيدى.

اۆتور

نازىم بولەسوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى