سينوپتيكتەردىڭ 20- قاڭتارعا كۇن رايى بولجامى
استانا. KAZINFORM – 20- قاڭتاردا قازاقستاننىڭ باسىم اۋماعىنا كەڭ انتيتسيكلوننىڭ ىقپالى ساقتالادى. سوعان بايلانىستى جاۋىن-شاشىنسىز كۇن رايى كۇتىلەدى.
تەك ەلدىڭ باتىسىندا، وڭتۇستىگىندە، وڭتۇستىك-شىعىسىندا اتموسفەرالىق فرونتتاردىڭ وتۋىمەن اۋا رايىنىڭ قۇبىلمالى سيپاتى بايقالادى. ونىمەن قار، جاياۋ بۇرقاسىن، كوكتايعاق، جەلدىڭ كۇشەيۋى بولجانادى. رەسپۋبليكانىڭ وڭتۇستىك-شىعىسىندا قالىڭ قار جاۋادى. ەلدىڭ بارلىق اۋماعىندا تۇماندى بولادى.
سينوپتيكتەر بارلىق دەرلىك وڭىردە - اتىراۋ، باتىس قازاقستان، قوستاناي، اقتوبە، ماڭعىستاۋ، جامبىل، الماتى، قىزىلوردا، اباي، سولتۇستىك قازاقستان، پاۆلودار، تۇركىستان، جەتىسۋ، شىعىس قازاقستان، اقمولا وبلىستارى مەن استانا، الماتى جانە شىمكەنت قالالارىندا ەسكەرتۋ جاريالاپ وتىر.
