سينتەتيكالىق ەسىرتكىنىڭ كولەمى ارتىپ كەلەدى - مينيسترلىك

«تاركىلەنگەن سينتەتيكالىق پرەپاراتتاردىڭ كولەمى ارتىپ كەلەدى. ەگەر 2018 -جىلى جالپى 5 كەلى جاڭا پسيحواكتيۆتى زات تاركىلەنسە، بىلتىر ءبىر توننادان استام تاركىلەندى. ال بيىل ءۇش ايدا 225 كەلى سينتەتيكالىق ەسىرتكى تابىلدى. جالپى، بيىلعى ءبىرىنشى توقساندا 1,5 تونناعا جۋىق ءتۇرلى ەسىرتكى انىقتالىپ، ونىڭ ىشىندە 946 كەلى ماريحۋانا، 237 كەلى گاشيش بار»، - دەدى ش. الەكەشيەۆ مينيسترلىكتىڭ اپتالىق باسپا ءسوز ءماسليحاتىندا.

ونىڭ ايتۋىنشا، 2019 -جىلدان باستاپ باقىلاۋداعى تىزىمگە جاڭا پسيحواكتيۆتى زاتتاردى ەنگىزۋ تەتىگى جەڭىلدەتىلدى.

«اتاپ ايتقاندا، بۇرىن ءبىر زاتتى ەسىرتكى رەتىندە تانۋ ءۇشىن زاڭعا وزگەرىس ەنگىزۋ قاجەت ەدى. سول سەبەپتى بۇل پروتسەسس 1-2 جىلعا سوزىلاتىن. ال وعان دەيىن ەسىرتكىنىڭ جاڭا تۇرلەرى پايدا بولىپ ۇلگەرەتىن. ەندى ەسىرتكىلەر ءتىزىمى ۇكىمەتتىڭ قاۋلىسىمەن رەتتەلەدى. سونىمەن قاتار، قازىر ءبىز وسى ماسەلە بويىنشا ۆەدومستۆوارالىق كەلىسۋ ءراسىمىن جەڭىلدەتىپ جاتىرمىز. «سينتەتيكانىڭ» جاڭا تۇرلەرىن ەسىرتكى رەتىندە تەز تانۋ جەدەل ارەكەت ەتۋگە جانە قىلمىسكەرلەردى جاۋاپقا تارتۋعا مۇمكىندىك بەرەدى. سول ۋاقىتتان باستاپ تىزىمگە 125 جاڭا پسيحواكتيۆتى زات پەن 29 پرەكۋرسور ەنگىزىلدى. سينتەتيكالىق ەسىرتكى ءوندىرۋ ءۇشىن پايدالانىلاتىن 19 جابدىقتىڭ اتاۋى مەملەكەت باقىلاۋىنا الىندى»، - دەدى رەسمي وكىل.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى