سينگاپۋردا عاجاپ قوناق ءۇي سالىندى
الەمدىك ارحيتەكتۋرادا جاڭا ترەند بايقالادى. نيۋ-يوركتەگى جاسىل جەلەكپەن كومكەرىلگەن ءزاۋلىم عيماراتتان كەيىن ازيادا دا وسىنداي ارحيتەكتۋرالىق شەشىم قولدانىلعان سياقتى. بۇل قوناقۇيدە جاسىل جەلەككە تولى تىك تەرراسسالار بار.
Pan Pacific Orchard دەپ اتالاتىن قوناق ءۇي عيماراتى ءتورت ۇلكەن اشىق تەرراسسادان تۇرادى. ولاردىڭ ءارقايسىسى شاعىن ورمانعا ۇقسايدى. New Atlas سايتىندا جاريالانعان حابارلاماعا قاراعاندا قوناق ءۇي تۇرعىندارى جەرگىلىكتى جەردىڭ اسەمدىگىن ءوز بولمەلەرىنەن شىقپاي-اق تاماشالاي الاتىنعا ۇقسايدى. وسى ماتەريالعا سۇيەنگەن Aikyn.kz ارحيتەكتورلار تاڭداعان جوبانىڭ سەبەبىن تۇسىندىرەدى.
سينگاپۋردى باۋ-باقشالى قالا دەپ اتايدى. ونىڭ سەبەبى قالانىڭ ساياباقتارى مەن جاسىل وسىمدىكتەرمەن ورىلگەن عيماراتتاردىڭ كوپتىگىمەن تۇسىندىرىلەدى. ونىڭ ىشىندە اسەرلى Eden مەن CapitaSpring بار. جاقىندا قالا-مەملەكەتتىڭ (سينگاپۋر شاعىن مەملەكەت) ارحيتەكتۋراسى Pan Pacific Orchard اتتى جاڭا ادەمى لاندشافتپەن تولىقتى. عيماراتتىڭ اتاۋى تىنىق مۇحيت ايماعىنىڭ باعى دەگەن ماعىنا بەرەدى.
عيماراتتىڭ سىرتقى بەينەسى «S» ارپىنە ۇقسايدى، قالانىڭ اتاۋىن Singapore ەسكە سالادى. اسپالى باق تۇرىندە سالىنعان قوناق ءۇي عيماراتى قاراپايىم تىكتورتبۇرىش ءتارىزدى، 35 قاباتتان جانە 347 بولمەدەن تۇرادى.
ونىڭ قاسبەتى ءتورت ۇلكەن اشىق تەرراسسالارعا بولىنگەن، ولاردىڭ ءارقايسىسى وسىمدىكتەر مەن اعاشتارمەن تولتىرىلعان جانە ءوز اتاۋى مەن تاقىرىبى بار.
ورمان تەرراساسى جەر دەڭگەيىندە ورنالاسقان جانە ورمان اعاشتارىمەن قورشالعان كاسكادتى سۋدى پايدالانادى. جاعاجاي تەرراساسى جوعارعى قاباتتا ورنالاسقان جانە ءمۇيىسى، قۇمدى جاعاجايى مەن پالما توعايلارى بار تروپيكالىق وازيس تۇرىندە جاسالعان.
ودان دا جوعارىدا، باقشا تەرراساسىندا قوناق ءۇيدىڭ بارى مەن دەمالىس بولمەسى، سونداي-اق شاعىلىستىراتىن باسسەيندەرى مەن گۇلزارلارمەن كومكەرىلگەن كەرەمەت باقشا بار. ەڭ جوعارعى بۇلتتى تەرراسسادا 400 ورىندىق بال زالىمەن، كونفەرەنس-زالمەن، بەتى توبەدەگى اينامەن شاعىلىسقان باسسەيندەر مەن قورشالعان گۇلدى وسىمدىكتەرمەن بەدەرلەنگەن لاندشافتى ءىس-شارالار الاڭى تۇرىندە سالىنعان.
Pan Pacific Orchard 35 قاباتتان جانە 347 قوناق ءۇي بولمەسىنەن تۇرادى. بارلىق 4 تەرراسسا قوناق ءۇيدىڭ ىشكى بولىگىمەن تىعىز بايلانىستى، بۇل كۇندىزگى جارىقتى، تابيعي جەلدەتۋ ءتاسىلىن قولدانۋعا مۇمكىندىك بەرەدى جانە تروپيكالىق كليماتتىڭ قاتالدىعىن جەڭىلدەتۋگە كومەكتەسەدى. قوناق ءۇي نومىرلەرى دە تەرراسسالاردىڭ سيپاتىن كورسەتەتىن ءارتۇرلى ديزاينمەن جاسالعان.
«Pan Pacific Orchard ادەتتە جابىق عيماراتتا وتەتىن مەرەكەلەردى كورسەتۋ ارقىلى قالانىڭ جاندانۋىنا ۇلەس قوسادى»، - دەيدى جوبالاۋشى كومپانيا WOHA.
بۇل سينگاپۋردىڭ ەكۆاتورلىق كليماتى ءۇشىن ارنايى ازىرلەنگەن اشىق، كولدەنەڭ جەلدەتىلەتىن، ءبىراق قورعالعان كەڭىستىكتەر ارقىلى مۇمكىن بولدى. اشىق تەرراسادا ىقتاسىن بولعاندىقتان جەل سوقپايدى جانە جاۋىن-شاشىن كەزىندە دە اشىق اۋادا مەرەكەلىك ءىس-شارالاردى وتكىزۋگە ىڭعايلى.
«ديزاين تولىق ينتەگراتسيالانعان ءتاسىلدى قولدانا وتىرىپ، قالالىق ديزاينمەن، ارحيتەكتۋرامەن، لاندشافت ديزاينىمەن جانە ينتەرەر ديزاينىمەن ۇزدىكسىز ۇيلەسەدى. ءار شاتىردىڭ تەرراسسالارى اراسىنداعى التى قاباتتا ورنالاسقان بولمەلەر مەن ىڭعايلى 347 قوناق ءۇي نومەرلەرى بار. ولاردىڭ ينتەرەرى ءار تەرراسسانىڭ تاقىرىبى مەن ءارقايسىسى تابيعات تۇجىرىمداماسىنا سايكەس كەلەدى.
توعىسپالى جەلدەتۋ مەن تابيعي سالقىنداتۋدان باسقا، Pan Pacific Orchard عيماراتىندا ەلەكتر ەنەرگياسىن تۇتىنۋىن ازايتۋعا كومەكتەسەتىن فوتوەلەكترلىك شاتىرمەن قاپتالعان.
نيۋ-يوركتە سالىنعان «شيىرشىق» اتتى ءزاۋلىم ءۇيدىڭ قۇرىلىسىندا قولدانىلعان ارحيتەكتۋرالىق شەشىم تۋرالى Aikyn.kz جازعان بولاتىن. 66 قاباتتان تۇراتىن عيماراتتىڭ بويىمەن شيىرلانىپ وسكەن اعاشتار مەن وسىمدىكتەر، جاسىل جەلەكپەن كومكەرىلگەن بەلدەۋدىڭ ورنالاسۋى ەرەكشە اسەر بەرەتىنىن ايتىلعان ەدى.
الەمدەگى قىمبات قالالاردىڭ قاتارىنداعى سينگاپۋردە بۇل عيماراتتاعى پاتەرلەر دە اسپانداپ كەتكەن. مىسالى، جۇماق باعى Eden تۇرعىن ءۇي كەشەنى 2021 -جىلى 220 ميلليون دوللارعا ساتىلعان. تۇرعىن ءۇي كەشەنىندە 20 اپارتامەنت قانا بار ەكەنىن ەسكەرسەك، وندا ءاربىر اپارتامەنت قانشا تۇراتىنىن باعالاۋعا بولادى.
