سيمونا گالپەرين: گازادا بەيبىت تۇرعىنداردىڭ قۇربان بولماۋىنا تىرىسامىز، ءبىراق بۇل - سوعىس

«ارينە، بەيبىت ازاماتتاردىڭ وپەراتسيا كەزىندە قازا تابۋى مۇمكىن ەكەنىن ءتۇسىنىپ وتىرمىز. ءبىز ولاي بولماۋىنا بارىنشا تىرىسىپ جاتىرمىز. سول ءۇشىن دە 1,5 ميلليوننان استام ءۇنپاراق تاراتىپ، «شىعىپ كەتىڭىزدەر» دەپ ايتتىق. ءبىز سول ءۇشىن دە 1 اپتادان استام كۇتتىك. ياعني، 24 ساعات ۋاقىت بەرىپ، ءبىر تاۋلىك ىشىندە گازانى تاستاپ شىعۋ تۋرالى حابارلاما بەرەردىڭ الدىندا ءبىر اپتا كۇتتىك. ءبىراق ءبىز حاماس-تىڭ ولاردىڭ شىعۋىنا رۇقسات بەرمەي جاتقانىن كوردىك»، - دەدى سيمونا گالپەرين.

سونداي-اق ول يزرايل ارمياسى اسكەري قيمىلدىڭ الدىندا تىڭعىلىقتى بارلاۋ جۇرگىزەتىنىن اتاپ ءوتتى.

«ءبىز وپەراتسيا جۇرگىزگەن كەزدە سونداعى احۋالدى قارايمىز. ونداعان جاعداي بولدى، ەگەر اسكەريلەر ول جەردە بالالار بار ەكەنىن، بەيبىت ازاماتتار بار ەكەنىن كورسە، وپەراتسيانى قايتا جوسپارلايدى. بەيبىت حالىق اراسىنان قۇرباندار بولماۋىنا بارىنشا تىرىسىپ جاتىرمىز. ءبىراق بۇل - سوعىس»، - دەدى يزرايل س ءى م وكىلى.

ەسكە سالساق، گازا سەكتورىنداعى پالەستينالىق راديكالدار يزرايل اۋماعىنا زىمىران اتقىلاپ، يزرايلدىڭ ورتالىعى مەن وڭتۇستىگىندە ەرەكشە جاعداي ەنگىزىلگەن ەدى.

سوڭعى مالىمەتتەر بويىنشا، يزرايل اسكەرى گازانى تولىعىمەن قورشاپ، ەكىگە ءبولىپ تاستاعان.

سىرتقى ىستەر مينيسترلىگىنىڭ مالىمەتى بويىنشا، گازا سەكتورىندا قازىر قازاقستاننىڭ 76 ازاماتى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى