پسيحيكالىق اۋىتقۋى بار ادام قانداي جاعدايدا ماجبۇرلەپ ەمدەۋگە جىبەرىلەدى

قالالىق دەنساۋلىق ساقتاۋ باسقارماسىنىڭ مالىمەتىنشە، بۇگىندە استانادا 5252 كامەلەتكە تولماعان بالا پسيحياتر- دارىگەردىڭ ديناميكالىق باقىلاۋىندا تۇر.

ەرەجەگە سايكەس، پسيحياتر- دارىگەر بالانىڭ جاعدايىن كەمىندە ايىنا ءبىر رەت قاراۋى ءتيىس. الايدا، ۆەدومستۆودا پاتسيەنتتەردىڭ قانداي جاعدايدا ستاتسيونارلىق ەمدەۋگە جىبەرىلەتىنى ناقتىلانباعان.

- پسيحيكالىق اۋىتقۋى بار ادامدى ديناميكالىق باقىلاۋ ماسەلەلەر «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسى باپتارىمەن جانە دەنساۋلىق ساقتاۋ مينيسترلىگىنىڭ «پسيحيكالىق دەنساۋلىق سالاسىندا مەديتسينالىق-الەۋمەتتىك كومەك كورسەتۋدىڭ كەيبىر ماسەلەلەرى تۋرالى» بۇيرىعىمەن رەتتەلەدى، - دەگەن جاۋاپ الدىق اگەنتتىك جولداعان رەسمي ساۋالعا.

مىنەز- قۇلقىندا اۋىتقۋى بار پاتسيەنت پسيحياتريالىق ستاتسيوناردان شىققاننان كەيىن قابىلداناتىن شارالار:

1) پسيحياتر- دارىگەر پاتسيەنتتى ديناميكالىق بايقاۋدى جۇزەگە اسىرۋ قاجەتتىگى، قاراپ-تەكسەرۋ جۇرگىزۋدىڭ تىزبەسى، كولەمى، كەزەڭى، زەرتحانالىق زەرتتەۋلەر مەن بايقاۋ مەرزىمى تۋرالى اقپارات بەرەدى؛
2) جازباشا كەلىسىم بولعان جاعدايدا پسيحيكالىق اۋىتقۋى بار جانعا ديناميكالىق بايقاۋ بەلگىلەنەدى؛
3) پسيحيكالىق اۋىتقۋى بار ادام نەمەسە ونىڭ زاڭدى وكىلى كەلىسىمنەن باس تارتقان جاعدايدا، ماسەلە دارىگەرلىك- كونسۋلتاتسيالىق كوميسسيانىڭ قاراۋىنا جىبەرىلەدى؛
4) پسيحيكالىق اۋىتقۋى بار ادامدى ديناميكالىق بايقاۋعا العان كەزدە پاتسيەنتتى قاراپ تەكسەرۋدى جۇرگىزەدى، بايقاۋ مەن تەكسەرۋدىڭ ۋاقىتىن، دەنساۋلىق ساقتاۋ سالاسىندا ارناۋلى الەۋمەتتىك قىزمەتتەر كورسەتۋدى ۇيىمداستىرۋ قاجەتتىگى ايقىندالادى جانە ەمدەۋدىڭ جەكە جوسپارى مەن وڭالتۋ باعدارلاماسى جاسالادى؛
5) دياگنوستيكالىق زەرتتەۋلەردىڭ ناتيجەسىنە، بەيىندى مامانداردىڭ قورىتىندىلارى مەن ۇسىنىمدارىنا اراسىندا تەكسەرۋ جانە باعالاۋ جۇرگىزىلەدى؛
6) قاجەت بولعان جاعدايدا تۇزەتۋلەر ەنگىزە وتىرىپ، ەمدەۋ، وڭالتۋ (رەابيليتاتسيالىق) ءىس-شارالارىنىڭ تيىمدىلىگىنە مونيتورينگ پەن باقىلاۋدى جۇزەگە اسىرىلادى؛
7) ناقتى ايعاقتار بولعان كەزدە قۇجاتتاردى جانە مەديتسينالىق-الەۋمەتتىك ساراپتاماعا، مەديتسينالىق-الەۋمەتتىك وڭالتۋعا، ستاتسيوناردى الماستىراتىن، ستاتسيونارلىق، ونىڭ ىشىندە ماجبۇرلەپ ەمدەۋگە جىبەرۋ راسىمدەلەدى؛
8) دەنساۋلىق ساقتاۋدىڭ بەيىندى ماماندارىنىڭ كەڭەسىنە، قاجەتتى زەرتحانالىق جانە اسپاپتىق تەكسەرۋلەرگە، پسيحولوگتىڭ قاراۋىنا، الەۋمەتتىك قىزمەتكەردىڭ جانە وزگە دە مامانداردىڭ كونسۋلتاتسياسىنا جىبەرەدى؛
9) دارىگەر- پسيحولوگ تۇرعىلىقتى جەرى بويىنشا پسيحيكالىق اۋىتقۋى بار ادامعا بارادى؛
10) مەديتسينالىق- الەۋمەتتىك كومەك كورسەتۋ دەڭگەيلەرىنىڭ، شارتتارى مەن تۇرلەرىنىڭ ساباقتاستىعىن جۇزەگە اسىرادى؛
11) پاتسيەنت تۋرالى بارلىق دەرەك ەلەكتروندىق دەنساۋلىق ساقتاۋ جۇيەسىندە جازىلادى.

ەسكە سالا كەتسەك، ەلوردادا ءجاسوسپىرىم ءليفتى ىشىندە بالانى پىشاقتاپ تاستاعان ەدى. كەيىن بەلگىلى بولعانداي پىشاقپەن شابۋىلداعان جاسءوسپىرىم ارنايى ەسەپتە تۇرعان.

دارىگەرلەر زارداپ شەككەن بالاعا دەرەۋ وتا جاساپ، پسيحولوگيالىق كومەك كورسەتتى.

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى