پسيحولوگتار دا سارقىلادى، ولارعا دا قولداۋ كەرەك - ءماجىلىس دەپۋتاتى

- پسيحولوگيالىق قىزمەتكە قاتىستى اۋقىمدى شارالار جاسالدى. بۇعان دەيىن پسيحولوگيالىق قىزمەتكە نەمقۇرايلى قارايتىن، قازىر مىندەتتەلگەن. ايەلدەر مەن بالالاردىڭ قۇقىعىن قورعاۋ مەن قاۋىپسىزدىگىن قامتۋ اياسىندا ءبىلىم باسقارمالارى جانىنان پسيحولوگيالىق قولداۋ ورتالىقتارى اشىلدى. سونىمەن قاتار مەديتسينالىق ۇيىمداردىڭ جانىندا اگرەسسورلارعا پسيحولوگيالىق كومەك كورسەتەتىن مامانداردىڭ جۇمىسى زاڭداستىرىلا باستادى. ءبىراق، اقپارات اعىنى، جاھاندانۋ كەزەڭىندەگى وزگەرىستەر پسيحولوگيالىق قىزمەتتى ودان ءارى دامىتۋدى قاجەت ەتەدى، - دەدى جۇلدىز سۇلەيمەنوۆا ءماجىلىستىڭ الەۋمەتتىك-مادەني دامۋ كوميتەتىندە وتكەن پسيحولوگيا قىزمەتىنىڭ پروبلەمالارىنا ارنالعان دوڭگەلەس ۇستەل بارىسىندا.

سونداي-اق حالىق قالاۋلىسى پسيحولوگ ماماندارىن دايارلاۋ ماسەلەسىنە دەن قويدى.

- تاعى ءبىر ايتا كەتەتىن جايت، سۋپەرۆيزيا، ياعني پەداگوگ-پسيحولوگتاردى قولداۋ، ولاردىڭ وزىنە دە قولداۋ قاجەت. قازىر بىزدە سۋپەرۆيزيا مۇلدەم قاراستىرىلماي تۇر. شىنىن ايتقاندا ولاردا تۇلعالىق تۇرعىدان، پسيحولوگيالىق تۇرعىدان سارقىلادى، - دەيدى ول.

بۇعان دەيىن وقۋ-اعارتۋ ءمينيسترىنىڭ ورىنباسارى ەدىل وسپان مەكتەپ پسيحولوگتارىنىڭ بىلىكتىلىگىنىڭ تومەن ەكەنىن ايتقان ەدى.

ايتا كەتەيىك، ەلىمىزدە پسيحولوگيالىق قىزمەت تۋرالى ارنايى زاڭ جوباسى قولعا الىندى.

ءماجىلىس دەپۋتاتى اسحات ايماعامبەتوۆ ەلىمىزدە پسيحولوگيالىق قىزمەت كورسەتۋدىڭ ءتيىستى نورمالارى بار، ءبىراق ول شاشىراڭقى ەكەنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى