سيفرلىق ترانسفورماتسيا: جۇمىسقا ورنالاسۋ ءۇشىن اسكەري بيلەت تالاپ ەتىلمەيدى
استانا. KAZINFORM - جۇمىسقا ورنالاسۋ نەمەسە وقۋعا ءتۇسۋ كەزىندە ەندى زاڭدى تۇلعالار اسكەري بيلەت تالاپ ەتپەيتىن بولدى. بۇل تۋرالى Sarbaz.kz. سايتى جازدى.
قورعانىس مينيسترلىگىنىڭ مالىمەتىنشە، اسكەري قىزمەت وتكەرۋگە جاتاتىن ادامداردى جانە مەرزىمدى اسكەري مىندەتتىلەردى اسكەري ەسەپكە الۋ قاعيدالارىنىڭ 6-تاراۋىنا سايكەس زاڭدى تۇلعالار اسكەري ەسەپكە الۋدى جۇرگىزۋگە مىندەتتى.
«زاڭدى تۇلعالاردىڭ اسكەري ەسەپكە الۋدى جۇرگىزگەن كەزدەگى نەگىزگى مىندەتتەرىنىڭ ءبىرى جۇمىسقا (وقۋعا) قابىلدانعان ازاماتتاردىڭ اسكەري ەسەپكە الۋ مارتەبەسىن انىقتاۋ بولىپ سانالادى.
وسىعان بايلانىستى كادر بولىمدەرى اسكەري ەسەپكە الۋ قۇجاتتارىن (اسكەري بيلەت، تىركەۋ تۋرالى كۋالىك)، اسكەري قىزمەت وتكەرگەنىن راستايتىن انىقتامالاردى جانە ت. ب. سۇراتاتىن.
قارۋلى كۇشتەردىڭ جۇرگىزىلىپ جاتقان سيفرلىق ترانسفورماتسياسى بۇل تالاپتاردى جويۋعا مۇمكىندىك بەردى.
جۇمىسقا (وقۋعا) قابىلدانعان ازاماتتاردىڭ اسكەري ەسەپكە الۋ مارتەبەسىن انىقتاۋ ءۇشىن ەندى جۇمىس بەرۋشىگە قورعانىس مينيسترلىگىنىڭ اقپاراتتىق جۇيەسىنەن اسكەري ەسەپكە الۋ تۋرالى اقپاراتتى ءبىر رەت باسۋ قاجەت»، - دەلىنگەن مينيسترلىك حابارلاماسىندا.
قورعانىس مينيسترلىگى ەڭبەك جانە حالىقتى الەۋمەتتىك قورعاۋ مينيسترلىگىمەن جانە مەملەكەتتىك قىزمەت ىستەرى اگەنتتىگىمەن بىرلەسە وتىرىپ، زاڭدى تۇلعالارعا اسكەري ەسەپكە الۋدى جۇرگىزۋ قاعيدالارىندا كوزدەلگەن قىزمەتكەردىڭ جەكە بيلەتتەرىن تولتىرۋ ءۇشىن قاجەتتى اسكەري ەسەپكە الۋ تۋرالى اقپاراتتى الۋعا مۇمكىندىك بەرەتىن بىرەگەي قىزمەتتەردى ىسكە قوستى.
بۇل ساناتقا ESUTD ا ج- دە قىزمەتكەرلەردىڭ ەسەبىن جۇرگىزەتىن ۇكىمەتتىك ەمەس ۇيىمدار دا، ە- قىزمەت ا ج- دە قىزمەتكەرلەردىڭ ەسەبىن جۇرگىزەتىن مەملەكەتتىك ورگاندار دا كىرەدى.
قورعانىس مينيسترلىگى ورتادا ازامات پەن ول تۋرالى اقپارات بولاتىن جۇيەنى قۇرۋ بويىنشا تۇراقتى جۇمىس جۇرگىزىپ كەلەدى.
