سيفرلىق تەڭگەنىڭ ارتىقشىلىعى نەدە
سيفرلىق تەڭگەنىڭ بىردەن ءبىر ارتىقشىلىعى - ول ينتەرنەتسىز جۇمىس ىستەي بەرەدى. ياعني، قالادا دا، دالا دا قولجەتىمدى. بۇل تۋرالى ەكونوميست ماقسات حالىق قازاقستان قارجىگەرلەرىنىڭ XI كونگرەسىندە ايتتى، دەپ حابارلايدى Kazinform.
ساراپشىنىڭ سوزىنشە، سيفرلىق تەڭگە ەسەپ ايىرىسۋدىڭ ءۇشىنشى ءتۇرى بولادى. ونى قولما-قول اقشامەن دە، قولما-قول اقشاسىز دا پايدالانۋعا مۇمكىندىك بار.
«سيفرلىق تەڭگە - ۋاقىتىندا ەنگىزىلىپ جاتىر. ويتكەنى، كورشى الپاۋىت مەملەكەتتەردە ەنگىزىلۋدە. اتاپ ايتار بولسام، قىتاي مەن رەسەيدە. وسى تۇستا ءبىز دە قالىپ قالماۋىمىز كەرەك. سوندىقتان دا، ءدال ۋاقىتىندا قولعا الىندى دەپ ويلايمىن. پايدالى تۇستارىنا كەلەر بولساق، ەڭ الدىمەن كولەڭكەلى ەكونوميكانىڭ ۇلەسىن ازايتۋعا ىقپال ەتەدى. سەبەبى، بىزدە كولەڭكەلى ەكونوميكا قولما-قول اقشامەن ءجۇرىپ جاتىر. اقشا اينالىمى سيفرلانعان سايىن، ەكونوميكادا قارجىنىڭ مولدىرلىگى، تازالىعى ساقتالادى. مەملەكەتتىك ساتىپ الۋلار، سيفرلىق تەڭگە ارقىلى جۇزەگە اساتىن بولسا، اشىقتىقتى قامتاماسىز ەتەتىن بولادى. سونداي-اق مەملەكەتتە ارنايى تولەم سيفرلىق تەڭگە ارقىلى جاسالادى. ونىڭ ءتيىمدى تۇسى اقشانىڭ تالان-تاراجعا كەتپەۋىنە ىقپال ەتپەك. كيبەرقاۋىپسىزدىككە دە اسەر ەتەدى»، - دەيدى ماقسات حالىق.
ايتۋىنشا، تسيفرلىق ۆاليۋتامەن ينتەرنەت-ەكۆايرينگ موبيلدى قوسىمشاسى ارقىلى پوست-تەرمينالدار مەن QR- كودتاردى قولدانا وتىرىپ، تولەم جاساۋعا بولادى.
«تاعى ءبىر ارتىقشىلىعى ينتەرنەتسىز قولدانۋعا بولادى. ياعني، قالادا دا، دالا دا قولجەتىمدى. كۇندەلىكتى ءبىز قولدانىپ جۇرگەن تولەم جۇيەلەرىمەن سالىستىرعاندا سيفرلىق تەڭگە ينتەرنەت بولماسا دا، ءبىر ەمەس، بىرنەشە ترانزاكسيانى قاتار جاساۋعا مۇمكىندىك بەرەدى»، - دەيدى ول.
بۇعان دەيىن قازاقستان قارجىگەرلەر كونگرەسىندە «سيفرلىق تەڭگە» جوباسى ىسكە قوسىلعانى تۋرالى ايتقان بولاتىنبىز.
