سەيشەل ارالدارىنا قاتىستى ۆيزاسىز رەجيم جاقىندا كۇشىنە ەنۋى مۇمكىن
ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ جاقىندا سەيشەل ارالدارىنا ۆيزاسىز بارۋ رەجيمى كۇشىنە ەنۋى مۇمكىن ەكەنىن ايتتى، دەپ حابارلايدى قازاقپارات ءتىلشىسى.
«جاقىندا قازاقستان مەن سەيشەل ارالدارى ۆيزاسىز رەجيم تۋرالى كەلىسىمگە قول قويدى. وسى كەلىسىم اياسىندا مەملەكەت ىشىندەگى راسىمدەر اياقتالعاننان كەيىن، ۆيزاسىز ءتارتىپ كۇشىنە ەنەدى. ەكى ەلدىڭ ازاماتتارى ءبىر- بىرىنە 30 كۇنگە دەيىن ۆيزاسىز بارا الادى»، - دەدى ا. سمادياروۆ اپتالىق باسپا ءسوز ءماسليحاتىندا تىلشىلەر سۇراعىنا جاۋاپ بەرە وتىرىپ.
بۇل تۇرعىدا اتالعان كەلىسىم بويىنشا ءتيىستى جۇمىستار قارقىندى ءجۇرىپ جاتقانىن جانە جاقىن ارادا اياقتالاتىنىن ايتتى.
«ال بانگلادەشپەن اراداعى كەلىسىم (ۆيزاسىز رەجيم تۋرالى) ديپلوماتيالىق جانە قىزمەتتىك ءتولقۇجاتتى ۇستاپ جۇرگەن ادامدارعا ارنالعان. الداعى ۋاقىتتا وسى ەلمەن باسقا دا پاسپورت تۇرلەرىنە ۆيزاسىز رەجيم ەنگىزۋگە تىرىسامىز»، - دەدى رەسمي وكىل.
بۇدان بۇرىن حابارلانعانداي، قازاقستان 30 دان استام مەملەكەتپەن ۆيزالىق رەجيمدى جەڭىلدەتۋ تۋرالى كەلىسسوزدى جالعاستىرىپ جاتىر.
