سىبايلاس جەمقورلىقپەن ۇستالعاندار مەملەكەتتىك ساتىپ الۋعا قاتىسا المايدى
«مەملەكەتتىك ساتىپ الۋ تۋرالى» جاڭا زاڭ جوباسىندا سىبايلاس جەمقورلىق تاۋەكەلدەرىن ازايتۋعا، توتەنشە جاعدايلاردىڭ الدىن الۋعا باعىتتالعان ەرەجەلەر قاراستىرىلعان.
بۇل تۋرالى اتالعان قۇجاتتى ماجىلىستە تانىستىرۋ كەزىندە قارجى ۆيتسە- ءمينيسترى داۋرەن كەڭبەيىل ايتتى، دەپ حابارلايدى Kazinform.
«مەملەكەتتىك ساتىپ الۋدى جۇزەگە اسىرۋ قاعيداتتارىنىڭ قاتارىندا سىبايلاس جەمقورلىق قۇقىق بۇزۋ ارەكەتتەرىنە، مۇددەلەر قاقتىعىسىنا جول بەرمەۋ قوسىلدى. وسى رەتتە، الەۋەتتى ءونىم بەرۋشى، ونىڭ باسشىسى نەمەسە قۇرىلتايشىلارى بۇرىن سىبايلاس جەمقورلىق قىلمىسىن جاساسا، وندا مەمەلەكەتتىك ساتىپ الۋلارعا قاتىسا المايدى»، - دەدى د. كەڭبەيىل.
بۇدان بۇرىن حابارلانعانداي، زاڭ جوباسى اياسىندا ساتىپ الۋ پروتسەسىن رەتتەۋدى وڭايلاتۋ جانە بيۋروكراتيادان ارىلتۋ ماقساتىندا شاعىمداردى قاراۋدىڭ جاڭا تەتىگىن ەنگىزۋ، سونداي- اق باقىلاۋشى ورگاننىڭ ءرولىن قايتا قاراۋ ۇسىنىلىپ وتىر.
