سوت ايەلىن ۇردى دەپ ايىپتالعان ب ا ءا ەلشىسىنىڭ بۇرىنعى كەڭەسشىسىن قاماۋعا الدى
استانانىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى ب ا ءا- دەگى ەلشىلىكتىڭ كەڭەسشىسىنە قاتىستى دەنساۋلىققا قاساقانا جەڭىل زيان كەلتىرۋ فاكتىسى بويىنشا ءىستى قارادى، - دەپ حابارلايدى Massaget.kz ءتىلشىسى.
ءىستىڭ ءمان-جايلارى بويىنشا م. جانجال بارىسىندا جۇبايىنا قاتىستى فيزيكالىق كۇش قولدانعان. ءىستى سوت م. اكىمشىلىك جاۋاپكەرشىلىككە تارتىلعان اكىمشىلىك قۇقىق بۇزۋشىلىق تۋرالى كودەكسىنىڭ سانكسياسى شەڭبەرىندە قارادى.
«سوت وتىرىسى بارىسىندا م. جانە ونىڭ ادۆوكاتى اكىمشىلىك قۇقىق بۇزۋشىلىق تۋرالى حاتتامامەن كەلىسپەي، ونىڭ كىناسى ءىس ماتەريالدارىمەن دالەلدەنبەگەنىن كورسەتتى، سونداي-اق قۇقىق بۇزۋشىلىق جاسالعان ورىن ق ر يۋريسديكتسياسىنا جاتپايتىنىن، ودان بولەك م. -نىڭ ارەكەتتەرى قىلمىستىق سوت ءىسىن جۇرگىزۋ شەڭبەرىندە جەكە تەرگەۋ جۇرگىزىلىپ جاتقان ءوزىنىڭ جانە ونىڭ جۇبايىنىڭ اراسىنداعى وتباسىلىق-تۇرمىستىق ءىس-ارەكەتتەرگە جاتاتىنىن كورسەتتى»، - دەلىنگەن حابارلامادا.
اكىمشىلىك قۇقىق بۇزۋشىلىق تۋرالى كودەكسىنىڭ 73-1-بابىنىڭ سانكسياسى ەسكەرتۋ تۇرىندەگى جازانى نەمەسە 15-تاۋلىككە اكىمشىلىك قاماققا الۋدى كوزدەيدى.
سوت قاۋلىسىمەن م. اكىمشىلىك قۇقىق بۇزۋشىلىق تۋرالى كودەكسىنىڭ 73-1-بابى بويىنشا قۇقىق بۇزۋشىلىق جاساعانى ءۇشىن كىنالى دەپ تانىلىپ، 15 تاۋلىك مەرزىمگە اكىمشىلىك قاماۋعا الىندى.
