سپورتشىلارىمىز بيىل قانداي بايراقتى باسەكەدە ەل نامىسىن قورعايدى

— ۇلتتىق وليمپيادا كوميتەتتەر وزدەرىنىڭ ەلدەرىن حالىقارالىق وليمپيادا كوميتەتىنىڭ قامقورلىعىمەن وتەتىن وليمپيادا ويىندارىندا، ايماقتىق، كونتينەنتتىك جانە بۇكىلالەمدىك كەشەندى جارىستاردا ۇسىنۋدا ەرەكشە وكىلەتتىككە يە. قازاقستان ۇ و ك ءوز قۇزىرەتى اياسىندا حالىقارالىق سپورت ۇيىمدارىمەن، الداعى ويىنداردىڭ ۇيىمداستىرۋ كوميتەتىمەن قازاقستاندىق سپورت دەلەگاتسياسىنىڭ قاتىسۋ ماسەلەلەرى بويىنشا ىنتىماقتاسادى، — دەپ اتاپ وتەدى كوميتەتتەن.

ۇسىنىلعان مالىمەتكە سايكەس، بيىل قازاقستان سپورتشىلارى مىنداي ءىرى سپورتتىق ءىس-شارالارعا قاتىسۋدى جوسپارلاپ وتىر:

— 2025 -جىلدىڭ 7-14-اقپان كۇندەرى قىتايدىڭ حاربين قالاسىندا وتەتىن قىسقى ازيا ويىندارى؛

— بولجاممەن قاراشا/جەلتوقساندا باحرەيندە وتەتىن جاس وسپىرىمدەر اراسىنداعى ازيا ويىندارى؛

— بولجاممەن قاراشا ايىندا ساۋد ارابياسىنىڭ ەر-رياد قالاسىندا وتەتىن يسلام ىنتىماقتاستىق ويىندارى؛

— ساۋد ارابياسىندا وتەتىن ءبىرىنشى وليمپيادالىق كيبەرسپورت ويىندارى. دەگەنمەن، بۇگىندە ۇيىمداستىرۋىلار جارىس وتەتىن قالانى، ورنىن، مەرزىمىن جانە ىرىكتەۋ پروتسەسىن ءالى ايقىنداعان جوق.

دەگەنمەن، ۇلتتىق وليمپيادا كوميتەتى جوعارى اتالعان ءىس-شارالاردىڭ كۇنى مەن وتەتىن ورنى ۇيىمداستىرۋشىلاردىڭ شەشىمىنە بايلانىستى وزگەرۋى مۇمكىن ەكەندىگىن ەسكەرتەدى.

ىسكە سالا كەتەيىك، بۇعان دەيىن ەلەنا رىباكينا گەرمانيامەن ماتچتا قازاقستاندى العا شىعارعانىن جازعان بولاتىنبىز.

اۆتور مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى