سولتۇستىك وڭىرلەردە بۇرشاق جاۋۋى مۇمكىن - قازگيدرومەت
استانا. KAZINFORM - «قازگيدرومەت» ر م ك 22-قىركۇيەككە ارنالعان اۋا رايى بولجامىن جاريالادى.
- انتيسيكلون جوتاسى قازاقستاننىڭ شىعىسىندا جاۋىن- شاشىنسىز اۋا رايىن قالىپتاستىرادى. ق ر قالعان اۋماقتارىندا وڭتۇستىك سيكلون جانە ونىمەن بايلانىستى اتموسفەرالىق فرونتالدى بولىكتەر نايزاعاي مەن جاڭبىر اكەلەدى، سولتۇستىك ونىرلەردە بۇرشاق جاۋۋى ىقتيمال. رەسپۋبليكا بويىنشا جەلدىڭ كۇشەيۋى، وڭتۇستىكتە - شاڭدى داۋىل، سولتۇستىكتە - داۋىل، تۇنگى جانە تاڭەرتەڭگى ۋاقىتتا - تۇمان كۇتىلەدى، - دەلىنگەن حابارلامادا.
تۇندە اباي وبلىسىنىڭ باتىسىندا، شىعىس قازاقستان وبلىسىنىڭ شىعىسىندا 1 گرادۋس ۇسىك كۇتىلەدى.
باتىس قازاقستان وبلىسىنىڭ سولتۇستىگىندە، اتىراۋ وبلىسىنىڭ شىعىسىندا، ماڭعىستاۋ، قوستاناي وبلىستارىنىڭ وڭتۇستىگىندە جوعارى ءورت قاۋپى كۇتىلەدى.
تۇركىستان، قىزىلوردا وبلىستارىندا، اتىراۋ وبلىسىنىڭ وڭتۇستىگىندە، شىعىسىندا، جامبىل وبلىسىنىڭ باتىسىندا، سولتۇستىگىندە، ورتالىعىندا توتەنشە ءورت قاۋپى كۇتىلەدى.
سونداي-اق ماڭعىستاۋ وبلىسىنىڭ سولتۇستىك- باتىسىندا، وڭتۇستىك- شىعىسىندا، باتىس قازاقستان وبلىسىنىڭ باتىسىندا، وڭتۇستىگىندە، شىعىسىندا دا توتەنشە ءورت قاۋپى كۇتىلەدى.
مۇنداي جاعداي اقتوبە وبلىسىنىڭ باتىسىندا، سولتۇستىگىندە، سولتۇستىك- شىعىسىندا، ورتالىعىندا، الماتى وبلىسىنىڭ سولتۇستىگىندە، ورتالىعىندا كۇتىلەدى.
سونىمەن قاتار قاراعاندى، ۇلىتاۋ وبلىستارىنىڭ وڭتۇستىگىندە، جەتىسۋ وبلىسىنىڭ باتىسىندا، شىعىسىندا توتەنشە ءورت قاۋپى كۇتىلەدى.
