سولتۇستىك قازاقستاندا بىلتىر 5 مىڭ نارەستە تۋىپ، 6 مىڭ ادام قايتىس بولدى

ۆەدومستۆونىڭ ەسەبىنشە، قازىر وڭىردەگى حالىق سانى 522,2 مىڭ ادام، ونىڭ 264 مىڭ ادام نەمەسە %50,6 - اۋىلدا تۇرادى.

- بىلتىرعى قاڭتار-جەلتوقسان ىشىندە وبلىستا 5112 نارەستە تۋدى. ولاردىڭ ىشىندە 2627- ءسى ۇل بالا جانە 2485- ءى - قىز بالا. وبلىس اۋداندارى اراسىندا بالا تۋۋ كورسەتكىشى بويىنشا ءبىرىنشى ورىندا ءۋاليحانوۆ اۋدانى، ودان كەيىن اقجار جانە جامبىل اۋدانى الدا كەلەدى. وبلىس بويىنشا ەڭ تومەن تۋۋ كورسەتكىشى اققايىڭ اۋدانىندا تىركەلگەن. ع. مۇسىرەپوۆ اتىنداعى اۋدان مەن مامليۋت اۋدانى كوش سوڭىندا كەلەدى، - دەيدى دەپارتامەنت وكىلدەرى.

وتكەن جىلدىڭ قاڭتار-جەلتوقسان ارالىعىندا وبلىستا 6088 ادام قايتىس بولدى. حالىقتىڭ نەگىزگى ءولىم سەبەپتەرى اراسىندا ەڭ ۇلكەن ۇلەس - %20,6 جۇيكە جۇيەسىنىڭ اۋرۋلارىنا تيەسىلى، %16,5 - قان اينالىمى جۇيەسىنىڭ اۋرۋلارى، %-14,5 - تىنىس الۋ ورگاندارىنىڭ اۋرۋلارى، %9,3 - اس قورىتۋ ورگاندارىنىڭ اۋرۋلارى، %8,9 - وبىر جانە %6,5 - جازاتايىم وقيعالار، ۋلانۋ مەن جاراقاتتانۋ الادى.

بىلتىر ءبىر جىل ىشىندە 3027 نەكە تىركەلسە، ازاماتتىق حال اكتىلەرىن تىركەۋ ورگاندارىنىڭ دەرەكتەرى بويىنشا 1496 جۇپ اجىراسىپ كەتكەن.

بۇعان دەيىن س ق و- عا قونىس اۋدارىپ، كەيىن كوشىپ كەتكەن تۇرعىن ەندى 5,2 ميلليون تەڭگەنى ءۇش اي ىشىندە قايتاراتىنىن جازعان ەدىك.

اۆتور

اقەركە داۋرەنبەك قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى