سولتۇستىك قازاقستان بيىل 3 مىڭعا جۋىق قونىس اۋدارۋشىنى قابىلداۋعا ءازىر
پەتروپاۆل. KAZINFORM - سولتۇستىك قازاقستان وبلىسىنا سوڭعى سەگىز جىلدا 14 مىڭنان استام ادام قونىس اۋدارعان. الايدا كوشىپ كەلگەندەردىڭ مىڭنان استامى جاڭا مەكەنگە ۇيرەنىسە الماي كەرى قايتقان.
س ق و - تۇرعىندار سانى از وڭىرلەردىڭ قاتارىندا. ستاتيستيكاعا سۇيەنسەك، 2023-جىلدىڭ 1- جەلتوقسانىندا حالىق سانى 530,7 ادام بولعان. قاڭتار-قاراشا ارالىعىندا 5151 نارەستە دۇنيەگە كەلسە، بۇل 2022-جىلدىڭ وسى كەزەڭىمەن سالىستىرعاندا 4,1 پايىز تومەن. ءار بەسىنشى تۇرعىن - زەينەتكەر. بۇل ماسەلەنى شەشۋدىڭ ءبىر جولى - ىشكى كوشى- قون، حالقى تىعىز ورنالاسقان ءوڭىر تۇرعىندارىن سولتۇستىككە كوشىرۋ. بيىل وسى ماقساتقا رەسپۋبليكالىق قازىنادان 3,3 ميلليارد تەڭگە ءبولىنىپ وتىر. قونىستاندىرۋ «قۋاتتى وڭىرلەر - ەلدى دامىتۋدىڭ درايۆەرى» ۇلتتىق جوباسى اياسىندا جۇزەگە اسادى.
«بۇگىنگى كۇنى وتكەن جىلعى جوسپار 100 پايىز ورىندالدى. 2023-جىلى 2460 ادام قونىس اۋداردى. 265 ادام قانداس باسقا مەملەكەتتەردەن كوشىپ كەلدى. ولارعا 1 ميلليارد 200 ميلليوننان استام تەڭگە قاراجات ءبولىندى.
بيىل جۇمىس كۇشى باسىم وڭىرلەردەن 2702 ادامدى جانە 207 قانداستى قارسى الۋعا دايىنبىز. ولاردى 176 ەلدى مەكەنگە ورنالاستىرامىز. بۇل اۋىلداردا كوشىپ كەلۋشىلەرگە بار جاعداي جاسالعان، ياعني جۇمىس كۇشى كەرەك»، - دەيدى س ق و ەڭبەك موبيلدىگى ورتالىعىنىڭ ديرەكتورى امان تورەگەلدين.
2016-جىلدان باستاپ وبلىسقا ەڭبەك كۇشى ارتىق وڭىرلەردەن 14 مىڭنان استام ادام كوشىپ كەلگەن. قونىس اۋدارۋشىلاردى ماتەريالدىق جاعىنان قولداۋعا رەسپۋبليكالىق بيۋدجەتتەن 11 ميلليارد تەڭگەدەن استام قارجى بولىنگەن. بۇل باعدارلاما اياسىندا قونىس اۋدارۋشىلارعا تەحنيكالىق جانە كاسىپتىك ءبىلىم الۋ ءۇشىن وقىتۋعا جىبەرۋ، جۇمىسقا ورنالاسۋعا جانە كاسىپكەرلىكتى دامىتۋعا جاردەمدەسۋ سىندى كومەك تۇرلەرى قاراستىرىلعان. ياعني، كوشۋگە ماتەريالدىق كومەك ءبىر رەت، وتباسىنىڭ ءاربىر مۇشەسىنە 70 ا ە ك مولشەرىندە بەرىلەدى.
سونىمەن قاتار تۇرعىن ءۇيدى جالداۋ جانە كوممۋنالدىق قىزمەتتەردى تولەۋ بويىنشا شىعىنداردى وتەۋگە قارجىلاي كومەك اي سايىن، وتباسى قۇرامىنا بايلانىستى جىل بويى 15-30 ا ە ك مولشەرىندە تولەنەدى.
