سولتۇستىك افريكا مەن وڭتۇستىك ازيا مەملەكەتتەرىنە استىق ەكسپورتتالادى – ا ش م
استانا. قازاقپارات - 2024-جىلعى استىقتىڭ جاڭا ءونىمىنىڭ 5,5 ميلليون تونناسى ەكسپورتتالدى. بۇل تۋرالى ق ر اۋىل شارۋاشىلىعى ۆيتسە-ءمينيسترى ەرمەك كەنجەحان ۇلى ءمالىم ەتتى.
- 2024-جىلدىڭ قورىتىندىسى بويىنشا 8,1 ميلليون توننا ەكسپورتقا جونەلتىلدى. ال بىلتىر كۇزدە جينالعان ونىمگە توقتالساق، قىركۇيەك ايىنان قازىرگە دەيىن 5,5 ميلليون توننا استىق شەتەلگە شىعارىلدى، - دەدى ە. كەنجەحان ۇلى سەناتتا تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، قازاقستان استىعى ءداستۇرلى نارىقتارعا ەكسپورتتالىپ جاتىر.
- بارلىق ەلدەر بويىنشا وڭ ءوسىم بايقالىپ وتىر. سونىمەن قاتار، استىق ەكسپورتتالاتىن جاڭا نارىقتار ىزدەستىرىلىپ جاتىر. سونىڭ اراسىندا سولتۇستىك افريكا مەن وڭتۇستىك ازيا مەملەكەتتەرىنە ەكسپورتتاۋ مۇمكىندىگى زەردەلەندى، - دەدى ۆيتسە-مينيستر.
ونىڭ سوزىنە قاراعاندا، ءقازىر استىق ەكسپورتىنا كەرەك جۇك ۆاگوندارى ءتيىستى دەڭگەيدە قامتاماسىز ەتىلگەن.
بۇدان بۇرىن حابارلانعانداي، ق ر اۋىل شارۋاشىلىعى مينيسترلىگى بيىل استىق قانشا گەكتار جەرگە ەگىلەتىنىن ناقتىلادى.
