سوعىستان شارشادىق. ءبىراق جەرىمىزدى ەشكىمگە بەرمەيمىز! - زەلەنسكي

ۋكراينا پرەزيدەنتى ۆلاديمير زەلەنسكي قارۋلى كۇشتەردىڭ قولباسشىسى ۆالەري زالۋجنىيدىڭ The Economist جۋرنالىنا بەرگەن سۇحباتىنا قاتىستى پىكىر ءبىلدىردى.

ەسكە سالساق، زالۋجنىي باسىلىمدا سوعىس مايدانىنداعى جاعدايدىڭ وتە قيىن ەكەنىن، باتىس ەلدەرى ۋادە ەتكەن قارۋ- جاراقتىڭ ۋاقىتىندا كەلمەسە، ۋكراين اسكەرىنىڭ تىعىرىققا تىرەلەتىنىن ايتقان بولاتىن. وسىعان بايلانىستى زەلەنسكي قولباسشى زالۋجنىيدىڭ پىكىرىمەن كەلىسە بەرمەيتىنىن، ۋكراينا ەلى سوعىستا باسقىنشىلاردى ەلدەن قۋىپ شىعۋ ءۇشىن قولدا بار مۇمكىندىكتىڭ ءبارىن جاسايتىنىن ايتتى.

ءيا، ءبارىمىز ادامبىز. سوعىستان شارشادىق. سوعىستان اسكەر دە حالىق تا شارشادى. ءبىراق، جەرىمىزدى ەشكىمگە بەرمەيمىز!، - دەدى ول.

ودان ءارى ول مايدانداعى جاعدايعا قاتىستى ءوز ويىن ايتتى.

مايدانداعى جاعداي سونشالىق جامان ەمەس. ءبىراق ءبىر فاكت بار. ونى مويىندايمىز. رەسەي اسپاندى باقىلاپ وتىر. سوندىقتان دا ۋكراينا قارىمتا شابۋىل وپەراتسيالارىندا ادام كۇشىن ساقتاپ، بارلىعىن ءۇيىپ-توگىپ جاتقان جوق. رەسەي قازىر ۋكراينا اسپانىن بيلەپ وتىر. ولاردى اۋە كەڭىستىگىندە جەڭۋ ءۇشىن بىزگە F-16 ۇشاعى كەرەك. ونداي شەشىم بار. بىزگە F-16 كەلەدى. قازىر ۇشقىشتار دايىندالىپ جاتىر. ءبىزدىڭ ۇشقىشتار دايىندىقتان وتكەن سوڭ، F-16 كەلە باستايدى، - دەدى ول.

ونىڭ ايتۋىنشا، F-16 ۇشاعى مەن ATACMS زىمىرانى كەلگەندە جاعداي مۇلدە باسقاشا بولادى.

halyq-uni.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى