سوڭعى ءۇش جىلدا قىتايعا استىق ەكسپورتى 6 ەسەگە ارتتى
استانا. KAZINFORM - ءداستۇرلى تۇردە قازاقستاندىق استىق پەن ونى قايتا وڭدەۋ ونىمدەرى ءۇشىن نەگىزگى وتكىزۋ نارىقتارى ورتالىق ازيا، اۋعانستان، يران جانە قىتاي ەلدەرى بولىپ قالا بەرەدى. سونىڭ ىشىندە سوڭعى ءۇش جىلدا ق ح ر- عا استىق جۇكتەرىنىڭ ەكسپورتى 5,7 ەسەگە ارتىپ وتىر.
بۇل تۋرالى ق ر ا ش م باسپا ءسوز قىزمەتى ءمالىم ەتتى.
«قازاقستان تەمىر جولى» ۇلتتىق كومپانياسىنىڭ دەرەگى بويىنشا، اعىمداعى جىلدىڭ باسىنان باستاپ استىقپەن 582 مارشرۋتتىق پويىز قۇرىلىپ، جونەلتىلدى: 551 ەكسپرەسس-پويىز استىق جۇكتەرىن قىتايعا، تۇركمەنستانعا، يرانعا، رەسەيگە، وزبەكستانعا جەتكىزدى. ەل بويىنشا استىق جۇكتەرىن مارشرۋتتىق جونەلتىلىمدەرمەن تاسىمالداۋ ءۇشىن 31 قۇرام ۇيىمداستىرىلدى.
«2024-جىلدىڭ سەگىز ايىنىڭ قورىتىندىسى بويىنشا استىقتىڭ تەمىرجول تاسىمالى 5,4 ميلليون توننادان استى، ونىڭ ىشىندە 4,2 ميلليون توننا ەكسپورتتالدى. سونداي-اق 2,3 ميلليون توننا استىق وڭدەۋ ونىمدەرى تاسىمالداندى، بۇل وتكەن جىلدىڭ سايكەس كەزەڭىمەن سالىستىرعاندا %17,4 عا ارتىق. قايتا وڭدەۋ ونىمدەرىنىڭ ەكسپورتى %20 عا 1,8 ميلليون تونناعا دەيىن، ال ىشكى تاسىمالدار %9 عا 500 مىڭ تونناعا دەيىن ءوستى»، - دەلىنگەن حابارلامادا.
2024-جىلدىڭ قىركۇيەگىندە اقتاۋ پورتى ارقىلى اۋىل شارۋاشىلىعى ونىمدەرىن تاسىمالداۋ ءۇش ەسەگە 90 مىڭ تونناعا دەيىن ۇلعايدى. قازان ايىندا 212 مىڭ توننا تاسىمالداۋ جوسپارلانۋدا.
