ۇستىنە فۋتبول قاقپاسى قۇلاعان ەلوردا تۇرعىنى مەرت بولدى
استانا. KAZINFORM - الەۋمەتتىك جەلىدە ەر ادامدىڭ ۇستىنە فۋتبول قاقپاسى قۇلاعان ءساتىنىڭ ۆيدەوسى تارادى.
- الدىن الا مالىمەت بويىنشا، جازاتايىم وقيعا بولعان. ەر ادام فۋتبول ويىنى كەزىندە قاقپاعا كوتەرىلمەك بولعان، سالدارىنان قاقپا قۇلاپ، ونى باسىپ قالعان، - دەلىنگەن ەلوردانىڭ پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.
قازىر ادام ءولىمى فاكتىسى بويىنشا سوتقا دەيىنگى تەرگەۋ باستالدى.
- وقيعانىڭ ءمان-جايىن انىقتاۋ ءۇشىن كەشەندى تەرگەۋ ءىس-شارالارى جۇرگىزىلەدى، - دەيدى پوليسيا دەپارتامەنتىنەن.
