ستۋدەنتتەر تۇراتىن حوستەلدەردىڭ يەلەرىنە مىندەتتەر جۇكتەلەدى

«حوستەلدەر ماسەلەسىنە كەلسەك، ۋنيۆەرسيتەت، حوستەل يەسى جانە ستۋدەنت اراسىندا ءۇشجاقتى كەلىسىمشارت جاسالادى. الماتىدا حوستەل يەلەرى جوعارى وقۋ ورىندارىمەن جۇمىس ىستەۋگە مۇددەلى ەمەس، وعان سەبەپ تالاپتاردىڭ كۇشەيتىلۋى. ەلوردادا ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرى قالاداعى 6 حوستەلگە جايعاسپاق. حوستەلدەردەگى ءورت قاۋىپسىزدىگىنە جەرگىلىكتى توتەنشە جاعدايلار دەپارتامەنتى جاۋاپتى. تاعى ءبىر جايت، ەندى حوستەلدەردە تەك قانا ستۋدەنتتەر تۇراتىن بولادى، ياعني بوگدە ادامدار تۇرمايدى. سونىمەن قاتار كەلىسىمشارت بويىنشا حوستەلدەر يەسىنە مىندەتتەر جۇكتەلەدى. ونىڭ قاتارىنا قاۋىپسىزدىك پەن تازالىق جاتادى»، - دەدى ا. ابىلايحان.

ودان بولەك، مينيسترلىك وكىلى جالپى ستۋدەنتتەردى جاتاقحانامەن قامتۋ ماسەلەلەرىنە توقتالدى.

ەسكە سالساق، بىلتىر الماتىدا حوستەل ورتەنىپ، 13 ادام قازا تاپقانا بولاتىن.

حوستەل عيماراتىنىڭ يەسى - «كۋسا حالىق» ج ش س. ونى جالعا العان - «ALA Hostel» ج ش س. نىسان قۇرىلىس تالاپتارى مەن ءورت قاۋىپسىزدىگى ەرەجەلەرىن بۇزا وتىرىپ سالىنعان.

بۇل حوستەلدە ستۋدەنتتەر مەن جالدامالى جۇمىسشىلار تۇرعان. مەملەكەت باسشىسى قازا تاپقان قازاقستاننىڭ جانە شەتەل ازاماتتارىنىڭ جاقىندارى مەن تۋعان-تۋىستارىنا كوڭىل ايتتى.

قايعىلى جاعدايعا كىنالىلەر زاڭ بويىنشا جاۋاپقا تارتىلاتىنىن جەتكىزىپ، ۇكىمەت پەن اكىمدىككە زارداپ شەككەندەردىڭ وتباسىلارىنا كومەك كورسەتۋدى تاپسىردى.

ايتا كەتسەك، استانا قالاسى توتەنشە جاعدايلار دەپارتامەنتى جىل باسىندا ۇسىنعان مالىمەت بويىنشا ەلوردادا 87 حوستەل بار، 8 حوستەل ءوز ەركىمەن جابىلعان.

اۆتور
داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى