ستۋدەنتتەر ەككەن بوتانيكالىق باق قىزىلوردالىقتاردىڭ سۇيىكتى دەمالىس ورنىنا اينالدى
قىزىلوردا. KAZINFORM - قورقىت اتا اتىنداعى قىزىلوردا ۋنيۆەرسيتەتىنىڭ بوتانيكالىق باعىندا 3 مىڭنان استام اعاش بار.
بۇل جەر بۇرىن ۋنيۆەرسيتەت قىزمەتكەرلەرى مەن ستۋدەنتتەردىڭ عىلىمي جۇمىستارىنا عانا ارنالعان اگروبيولوگيالىق ورتالىق بولاتىن. وتكەن جىلى ۋنيۆەرسيتەت ەسەبىنەن تولىق جاڭعىرتىلىپ، بوتانيكالىق باق جانە جىلىجاي شارۋاشىلىعى رەتىندە قايتا قۇرىلدى. سودان بەرى قالا تۇرعىندارى مەن قوناقتارىنىڭ سۇيىكتى دەمالىس ورنىنا اينالدى.
- تۇرعىنداردىڭ ءجۇرىپ-تۇرۋىنا قولايلى جاعداي جاساۋ ءۇشىن باققا تاس توسەنىشتەر توسەلىپ، شاتىر ورناتىلدى. ارنايى ورىندار جاسالىپ، ءىشى جارىقتاندىرىلدى. قازىر مۇندا 18 ءتۇرلى 3 مىڭنان استام ساندىك تال، جەمىس اعاشى بار. باقتىڭ جالپى كولەمى 5 گەكتار شاماسىندا. بۇدان بولەك، وتكەن جىلدان باستاپ اۋماعى 800 شارشى مەتر بولاتىن جىلىجاي ىسكە قوسىلدى، - دەدى ۋنيۆەرسيتەتتىڭ عىلىمي جۇمىستار جانە حالىقارالىق بايلانىستار جونىندەگى پرورەكتورى ماينۇر بورىبايەۆا.
جىلىجايدا بيولوگيا جانە اگرونوميا باعىتىندا ءبىلىم الىپ جاتقان جاستار زەرتتەۋ جۇرگىزىپ، تاجىريبەدەن وتە الادى. قازىر ستۋدەنتتەر بىلتىر شىلدە، تامىز ايلارىندا وزدەرى ەككەن قيار، قىزاناقتى جيناپ، ءدامىن تاتتى.
ايتا كەتەيىك، الماتىداعى بوتانيكالىق باقتا ءبىرقاتار اۋرۋدىڭ الدىن الۋعا كومەكتەسەتىن جەمىس وسەدى.
اۆتور
نازەركە سانيازوۆا
