ستۋدەنتتەرگە جاتاقحانادان ورىن الۋ ءۇشىن ءوتىنىش جازۋدىڭ قاجەتى جوق
استانا. KAZINFORM - بۇدان بىلاي، ستۋدەنتتەرگە ەلەكتروندى ۇكىمەت سايتىندا تەلەفون ءنومىرىن تىركەپ، SMS الۋعا مۇمكىنشىلىك بەرىلمەكشى - دەپ حابارلايدى Kazinform ءتىلشىسى.
ستۋدەنتكە ءوتىنىش جازۋدىڭ قاجەتى جوق. ولار ەلەكتروندى ۇكىمەت سايتىندا تەلەفون ءنومىرىن تىركەپ، SMS الا الادى.
وتىنىمدەردى پرواكتيۆتى فورماتتا قابىلداۋ جوسپارلانىپ وتىر.
«جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ جاتاقحانالارىندا ورىنداردى ءبولۋ قاعيدالارىن بەكىتۋ تۋرالى» بۇيرىققا وسىنداي تۇزەتۋلەر جوباسى قوعامدىق تالقىلاۋ ءۇشىن جاريالاندى.
تەلەفون ءنومىرىن تىركەگەننەن كەيىن ستۋدەنت اۆتوماتتى تۇردە مەملەكەتتىك قىزمەتتى كورسەتۋ تۋرالى حابارلاما الادى. ول تەك كەلىسىمدى نەمەسە قىزمەت كورسەتۋدەن باس تارتۋدى جىبەرۋى كەرەك، سودان كەيىن قاجەتتى قۇجاتتاردى ۇسىنادى.
قاعيدالاردىڭ قولدانىستاعى رەداكتسياسىنا سايكەس، جوعارى نەمەسە جوعارى وقۋ ورنىنان كەيىنگى ءبىلىم بەرۋ ۇيىمىنىڭ اقپاراتتىق جۇيەلەرى جانە ەلەكتروندىق ۇكىمەت پورتالى ارقىلى ءوتىنىش قابىلدانادى جانە مەملەكەتتىك قىزمەتتى كورسەتۋ ناتيجەسى بەرىلەدى.
كورسەتىلەتىن قىزمەتتى الۋشىنىڭ جاۋابىن كۇتۋ مەرزىمى سۇراۋ سالۋ تۇسكەن ساتتەن باستاپ 24 ساعاتتى قۇرايتىنى اتاپ وتىلگەن.
