ۇستازدار كۇنىنە مۇعالىمگە نە سىيلاۋعا بولادى؟

ەلىمىزدە مۇعالىمدەرگە سىيلىق بەرۋ ماسەلەسىنە قاتىستى زاڭنامالىق شەكتەۋلەر بار. «پەداگوگ مارتەبەسى تۋرالى» زاڭ بويىنشا، مۇعالىمدەرگە قۇنى 2 ا ە ك (ايلىق ەسەپتىك كورسەتكىش) كولەمىنەن اسپايتىن سىيلىقتاردى عانا الۋعا رۇقسات ەتىلگەن. 2024 -جىلى 1 ا ە ك شامامەن 3,834 تەڭگەگە تەڭ، سوندىقتان مۇعالىمدەرگە بەرىلەتىن سىيلىقتىڭ قۇنى شامامەن 7,668 تەڭگەدەن اسپاۋى ءتيىس.

تومەندە زاڭعا قايشى كەلمەيتىن باعاعا قانداي سىيلىقتار الۋعا بولاتىنى كورسەتىلگەن:

گۇل شوقتارى نەمەسە بولمە وسىمدىكتەرى. گۇل مەرەكەدە سىيلاناتىن قارابايىر زات بولىپ كورىنگەنىمەن، قانداي مەرەكە، مەيرام بولماسىن كەرەمەت كوڭىل-كۇيدىڭ كەپىلى ەكەنى ءسوزسىز.

جەكە قولجازبا نەمەسە العىس حات. شاكىرتتەر مەن اتا-انالاردىڭ تاراپىنان بەرىلەتىن شىنايى ىقىلاسپەن جازىلعان اشىق حاتتىڭ الار ورنى ەرەكشە. ۇستازدار ءۇشىن ول سىيلىق سيمۆوليكالىق ورىن الىپ، ەستەلىك رەتىندە جادىندا ساقتالادى.

كەڭسە زاتتارى. قالام، داپتەر، جازۋ كۇندەلىكتەرى سياقتى كەڭسە قۇرالدارى ۇستازدارعا كۇندەلىكتى جۇمىس بارىسىندا پايدالى بولۋى مۇمكىن. ال ەگەر ونى اتاۋلى ەتىپ سىيلار بولساڭىز، ودان سايىن جاعىمدى بولارى انىق.

شوكولادتار نەمەسە كامپيتتەر. قوراپتاعى تاتتىلەر نەمەسە شاعىن سىيلىق پاكەتى - قاراپايىم بولعانىمەن، زور سىيلاستىقتى بىلدىرەتىن سىيلىق. نە بولماسا قازىر ترەندكە اينالعان دۋباي شوكولادىن ءوز قولىڭىزبەن دايىنداپ تارتۋ ەتسەڭىز بولادى. ال ونى قالاي دايىندايتىنىن ءبىلۋ ءۇشىن سىلتەمەگە ءوتىڭىز.

سىيلىق كارتالارى. سىيلىق كارتالارى، مىسالى، كىتاپ دۇكەنىنە نەمەسە كوفە-دۇكەنگە ارنالعان سەرتيفيكاتتاردى ۇسىنساڭىز بولادى. بۇل سىيلىق مۇعالىمىڭىزدىڭ ءوز قالاۋىنا قاراي پايدالانۋعا مۇمكىندىك بەرەدى.

كىتاپتار. ۇستازىڭىزدىڭ قىزىعۋشىلىعىنا قاراي شاعىن كىتاپ نەمەسە وقۋ قۇرالىن سىيعا تارتۋ - بىلىمگە دەگەن قۇرمەتتى كورسەتۋدىڭ تاماشا جولى.

ادەمى كەسە نەمەسە ساپتىاياق. بۇل مۇعالىمىڭىز ءۇشىن كۇندەلىكتى پايدالانۋعا قاجەت، كەز كەلگەن جاعدايدا كادەگە جارايتىن سىيلىق ءتۇرى. ۇستازىڭىزدىڭ ەسىمىمەن نەمەسە سۋرەتىمەن كوركەمدەپ بەرسەڭىز دە بولادى.

اروماتەراپيالىق شامدار. اتالمىش سىيلىق ۇستازدارعا دەمالۋعا كومەكتەسەتىن جاعىمدى حوش ءيىس بەرەدى. بۇل سترەسستى ازايتىپ، جايلىلىق سىيلايدى.

ميني-فوتوالبوم. شاكىرتتەرمەن بىرگە وتكىزىلگەن ۋاقىتتىڭ ەستە قالاتىن ساتتەرىن قامتيتىن شاعىن فوتوالبوم ەرەكشە ءارى جەكە سىيلىق بولادى.

كىتاپ بەلگىلەر. ۇستازدارعا ارنالعان شابىتتاندىراتىن سوزدەرى بار بەلگى (bookmark) كىتاپ وقىعان كەزدە ولارعا ۇنامدى بولادى جانە كۇندەلىكتى پايدالانۋعا ىڭعايلى دۇنيە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى