ستاتسيتيكا: 2009 -جىلدان بەرى حالىق سانى 20 پايىزعا ءوستى
ۇلتتىق ستاتيستيكا بيۋروسى «2021 -جىلعى حالىق ساناعىنىڭ» سوڭعى قورىتىندىلارىن جاريالاي باستادى، دەپ حابارلايدى Kazinform.
ايتا كەتەيىك، الماتى، شىعىس قازاقستان، قاراعاندى وبلىستارى بويىنشا دەرەكتەر ساناق وتكەن ۋاقىتقا، ياعني ولار بولىنگەنگە دەيىن بەرىلگەن. بۇل رەتتە جاڭادان قۇرىلعان وبلىستارداعى حالىق سانى ساناق دەرەكتەرىن ەسكەرە وتىرىپ قايتا ەسەپتەلگەن جانە stat.gov.kz سايتىندا جاريالانعان.
«2009 -جىلعى ساناقتان بەرى قازاقستان حالقى %20 ءوستى. تيىسىنشە، 2021 -جىلعى 1-قىركۇيەكتەگى ساناق قورىتىندىسى بويىنشا حالىق سانى 19186015 ادامدى قۇرادى.
ءۇش وڭىردە حالىق سانى 2 ميلليون ادامنان استى - الماتى (2146576) مەن تۇركىستان وبلىستارى (2054021) جانە الماتى قالاسى (2030285)»، - دەپ جازدى ستاتيستيكا بيۋروسىنان.
بۇل رەتتە ساناق اراسىنداعى كەزەڭدە حالىقتىڭ ەڭ كوپ ءوسۋى استانا قالاسىندا - 2 ەسە (613 مىڭنان 1234 مىڭ ادامعا دەيىن)، شىمكەنت قالاسىندا 1,5 ەسە (730 مىڭنان 1112,4 مىڭ ادامعا دەيىن) جانە ماڭعىستاۋ وبلىسىندا (485 مىڭنان 735 مىڭ ادامعا دەيىن) بايقالدى.
