ستاتبيۋرو قازاقستان حالقىنىڭ سانى 20 ميلليونعا قاشان جەتەتىنىن ايتتى
حالىق سانى 20 ميلليونعا جاقىنداپ قالدى، دەپ حابارلايدى Kazinform ۇلتتىق ستاتبيۋروعا سىلتەمە جاساپ.
1-قازانداعى جاعداي بويىنشا حالىق سانى 19967964 ادامدى قۇرادى، ونىڭ ىشىندە قالا تۇرعىندارى - 12387957 ادام، اۋىل تۇرعىندارى - 7580007 ادام.
جىل باسىنان بەرى حالىق ءوسىمى %1,02 نەمەسە 201,1 مىڭ ادامدى قۇرادى.
حالىق سانىنىڭ ەڭ جوعارى ءوسۋ قارقىنى استانا (%4,06) مەن الماتى (%2,28) قالالارىندا جانە ماڭعىستاۋ وبلىسىندا - (%1,94).
حالىق ءوسىمىنىڭ بيىلعى قارقىنىن ەسكەرسەك، 20 ميلليون ادام كورسەتكىشى 2023 -جىلعى قاراشادا بولادى دەپ كۇتىلىپ وتىر.
حالىقتىڭ تابيعي ءوسىمى ەسەبىنەن، ياعني تۋۋ جانە قايتىس بولۋ دەرەكتەرىن ەسكەرگەندە، حالىق سانى 194753 ادامعا ءوستى.
كوشى-قون ءوسىمى ەسەبىنەن حالىق سانى 6404 ادامعا كوبەيدى، بۇل سالدونىڭ وڭ ەكەنىن كورسەتەدى.
حالىقتىڭ تابيعي قوزعالىسى ەسەبىنەن ءوسۋدىڭ ەڭ جوعارى قارقىنى تۇركىستان وبلىسىندا بايقالدى، وندا حالىق سانى 34097 ادامعا، شىمكەنت قالاسىندا 19242 ادامعا، الماتى وبلىسىندا 18251 ادامعا ءوستى.
