سەرىك جۇمانعارين قوسىمشا قۇن سالىعىن كوتەرۋ كىمدەرگە قاتىستى بولمايتىنىن ناقتىلادى
استانا. KAZINFORM - پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين جاڭا سالىق رەفورمانىڭ كىمدەرگە قاتىسى جوق ەكەنىن ءتۇسىندىردى.
- وسى باستامالار اياسىندا (سالىق رەفورماسى) كوپتەگەن ساراپشى پايدا بولعانىن كوردىك، ءتۇرلى مالىمدەمەلەر جاسادى. ماسەلەن، كەشە عانا وڭىرلەردىڭ بىرىندە دۇكەن يەلەرى پىكىرىن ايتقان... ءبىز ۇنەمى حالىقپەن تىكەلەي جۇمىس ىستەيتىندەردىڭ بارلىعىنا - بولشەك ساۋدا نىساندارىنا، ياعني سونىڭ ىشىندە ءۇي جانىنداعى دۇكەندەرگە، دۇڭگىرشەكتەرگە، مەيرامحانالار مەن شاشتارازدارعا بۇل رەفورما اسەر ەتپەيتىنىن ايتىپ كەلەمىز. ولار بولشەك ساۋدا رەجيمىندە جۇمىس ىستەگەن تارتىپتە قىزمەتىن جالعاستىرا بەرەدى. اتاپ ايتقاندا، ولار ءۇشىن وزگەرمەيدى، - دەدى سەرىك جۇمانعارين سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
وسى ورايدا ول ق ق س ماسەلەسى قاي باعىتتى قامتيتىنىن ايتتى.
- بۇل رەفورما بولشەكتەنىپ كەتكەن بيزنەستىڭ بەلگىلى ءبىر بولىگىنە عانا قاتىستى. وتباسىن اسىراپ، حالىقپەن جۇمىس ىستەپ، بازاردا ساۋدا جاسايتىندارعا بۇل رەفورمانىڭ اسەرى جوق، بولشەك ساۋدا سالىعى وزگەرىسسىز قالادى، - دەدى ۇكىمەت باسشىسىنىڭ ورىنباسارى.
ەسكە سالساق، جاقىندا سەرىك جۇمانعارين قوسىمشا قۇن سالىعى شەگىن نەلىكتەن كوتەرۋ قاجەت ەكەنىن ءتۇسىندىردى.
ۇكىمەت قوسىلعان قۇن سالىعىن 20 پايىز كوتەرۋ دەگەن شەشىمگە ءالى ناقتى كەلگەن جوق.
اۆتور
رۋسلان عابباسوۆ
