سۋپەركومپيۋتەردى قۇرۋ: جابدىقتاردى ا ق ش-تان جەتكىزۋ پروتسەسى قالاي ءجۇرىپ جاتىر

- مينيسترلىك ەلدە جاساندى ينتەللەكت ءۇشىن تەحنولوگيالىق ينفراقۇرىلىمدى قۇرۋ بويىنشا ءتيىستى جۇمىستى اتقارىپ وتىر. قازاقستان رەسپۋبليكاسىنىڭ اۋماعىندا سۋپەركومپيۋتەردى ورنالاستىرۋعا قاجەتتى Nvidia ەسەپتەۋ قۋاتتارىنىڭ ەكسپورتى ءۇشىن ءوتىنىم بەرىلدى، بۇل بارلىق ەلدەر ءۇشىن قولدانىلاتىن ستاندارتتى پروتسەدۋرا. ەكسپورتتىق ليتسەنزيا الۋ پروتسەسى ا ق ش ۇكىمەتتىك ورگاندارىندا بەلگىلەنگەن تارتىپپەن جۇزەگە اسىرىلادى. سۋپەركومپيۋتەردى قۇرۋ جۇمىستارى ەكسپورتتىق ليتسەنزيا الىنعاننان كەيىن جانە قاجەتتى جابدىق ەل اۋماعىنا جەتكىزىلگەن سوڭ اياقتالادى. ورناتۋ جانە ىسكە قوسۋ كەزەڭى اياقتالعاننان كەيىن، سۋپەركومپيۋتەر جۇمىسقا دايىن بولادى، - دەلىنگەن سيفرلىق دامۋ مينيسترلىگىنىڭ Kazinform اگەنتتىگىنە بەرگەن جاۋابىندا.

سونىمەن قاتار ۆەدومستۆو سۋپەركومپيۋتەردى جالعا بەرۋ مۇمكىندىگى بولاتىنىن ناقتىلادى.

- سۋپەركومپيۋتەر ينفراقۇرىلىمى ۇلتتىق جاساندى ينتەللەكت پلاتفورماسىمەن بىرىكتىرىلىپ، مەملەكەتتىك سيفرلىق ونىمدەردى ازىرلەۋ جانە ەنگىزۋ ءۇشىن نەگىزگى ەلەمەنتكە اينالادى. ەرەكشە نازار ۇلكەن تىلدىك مودەلى KazLLM- دى قولداۋعا جانە ونىڭ نەگىزىندە ج ي اگەنتتەرىن جاساۋعا اۋدارىلادى. سونداي-اق، مينيسترلىك ەسەپتەۋ قۋاتتارىن بيزنەس پەن عىلىمي قاۋىمداستىققا جالعا بەرۋ مۇمكىندىگىن قاراستىرادى، - دەپ اتالىپ وتكەن مينيسترلىك مالىمەتىندە.

ەسكە سالساق، قازاقستان قۋاتى كۇشتى سۋپەركومپيۋتەر قۇرۋعا كىرىستى.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى