«سەرگەك» ەلوردادان كەتىپ جاتىر: قالاداعى كامەرالاردى ب ا ءا كومپانياسى باسقارادى

- 2017 -جىلى «سەرگەك» جوباسى جۇزەگە اسىرىلدى. بيىلدىڭ 13-ناۋرىزىندا «كوركەم تەلەكوم» كومپانياسىمەن كەلىسىمشارت مەرزىمى اياقتالادى. مەملەكەت باسشىسىنىڭ تاپسىرماسى اياسىندا جانە جوبانى ودان ءارى دامىتۋ تۇرعىسىندا G42 حولدينگىنە كىرەتىن Presight حالىقارالىق كومپانياسىمەن ەلوردا ءۇشىن جاساندى ينتەللەكت نەگىزىندە قالالىق ينفراقۇرىلىمدى باسقارۋدىڭ جوبالىق شەشىمىن ىسكە اسىرۋ جۇمىسىن اتقاردىق. جاڭا جوبانى قالىپتاستىرۋ كەزىندە قازىرگى قولدانىستاعى جۇيەنىڭ كەمشىلىكتەرى ەسكەرىلدى، - دەدى ديدار سۇلەيمەنوۆ.

ونىڭ ايتۋىنشا، جاڭا جوبادا اپپاراتتىق- باعدارلامالىق كەشەننىڭ باسىم بولىگى ۇزدىكسىز جۇمىس ىستەۋىن قامتاماسىز ەتۋ ءۇشىن تۇراقتى ەلەكتر ەنەرگياسىن قوسۋ قاراستىرىلعان. سونداي-اق بەينە ءتۇسىرىلىمنىڭ ۇزدىكسىز بەرىلۋىن قامتاماسىز ەتۋ باعىتىندا بەينەباقىلاۋ كامەرالارى وپتيكالىق بايلانىس جەلىسىنە قوسىلادى.

- جاڭا جوبا بەينە ءتۇسىرىلىم اعىنىن تاراتۋدىڭ ءبىرىڭعاي جۇيەسىن قامتاماسىز ەتەدى. قازىرگى ينفراقۇرىلىم جاڭا جەكە سەرىكتەستىڭ باسقارۋىنا بەرىلەدى، بۇل قازىرگى جۇيەنىڭ ۇزدىكسىز جۇمىس ىستەۋىن قامتاماسىز ەتەدى. جوبادا 22 مىڭ جالپى بەينەباقىلاۋ كامەراسى، قيىلىستاردا 732 اپپاراتتىق- باعدارلامالىق كەشەن، جەلىلىك ۋچاسكەلەردە 470 اپپاراتتىق-باعدارلامالىق كەشەن، سونىمەن قاتار بەينە تالداۋدىڭ 35 ءتۇرى قاراستىرىلعان. جوبا اياسىندا دەرەكتەردى وڭدەۋ ورتالىعى ۇيىمداستىرىلىپ، كەز كەلگەن وقىس وقيعاعا جەدەل ارەكەت ەتۋ ءۇشىن جەدەل كوممۋنالدىق قىزمەتتەردى بىرىكتىرەتىن ءبىرىڭعاي سيتۋاتسيالىق ورتالىق قامتاماسىز ەتىلەدى، - دەدى باسقارما باسشىسى.

ونىڭ سوزىنە قاراعاندا، جوبا 2030 -جىلعا دەيىن جوسپارلانعان. ءبىرىڭعاي سيتۋاتسيالىق ورتالىق قۇرۋدىڭ ارقاسىندا ادامدار كوپ جينالاتىن ورىنداردى %100 بەينەباقىلاۋمەن قامتاماسىز ەتۋ ارقىلى قاۋىپ- قاتەرلەرگە جىلدام ارەكەت ەتۋ مۇمكىندىگى بولادى. ال جاساندى ينتەلللەكتىنى قولدانۋ جول قوزعالىسىن باقىلاۋدى وڭتايلاندىرۋعا جانە جول قاۋىپسىزدىگىن ارتتىرۋعا، قالالىق قىزمەتتەردىڭ جۇمىسىن جاقسارتۋعا ىقپال ەتەدى.

- جەكە سەرىكتەستىڭ ينۆەستيتسياسى 53 ميلليارد تەڭگە. جوبا تولىعىمەن جەكە سەرىكتەستىڭ ءوز قاراجاتى ەسەبىنەن قارجىلاندىرىلادى. بۇل رەتتە قازاقستاندىق كومپانيالاردىڭ قاتىسۋى جۇمىس كولەمىنىڭ 60 پايىزىن قامتيدى، - دەدى ديدار سۇلەيمەنوۆ.

بۇعان دەيىن پاۆلوداردا «سەرگەك» كامەرالارىن ورناتۋ مۇمكىندىگى تۋرالى جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى