سەناتتىڭ وتىرىسى قازا تاپقان كەنشىلەردى ءبىر مينۋت ۇنسىزدىكپەن ەسكە الۋدان باستالدى
بۇگىن سەناتتىڭ جالپى وتىرىسى ءبىر مينۋت ۇنسىزدىكپەن باستالىپ، دەپۋتتار قاراعاندى وبلىسىندا شاحتادا بولعان اپات سالدارىنان قازا تاپقان كەنشىلەردى ەسكە الدى، دەپ حابارلايدى Kazinform.
«قاراعاندى وبلىسىنداعى شاحتادا ورىن العان قايعىلى جاعداي ءبارىمىزدىڭ قابىرعامىزدى قايىستىردى. وسى جاعدايعا بايلانىستى مەملەكەت باسشىسى قاسىم-جومارت توقايەۆتىڭ وكىمىمەن ەلىمىزدە جالپىۇلتتىق ازا تۇتۋ جاريالاندى. بۇدان بىلاي قايعىلى وقيعاعا سەبەپشى بولعان «ارسەلورميتتال تەمىرتاۋ» كومپانياسىمەن ەلىمىز ينۆەستيتسيالىق ىنتىماقتاستىقتى توقتاتادى. پرەزيدەنت تاپسىرماسىنا سايكەس، زارداپ شەككەن ازاماتتارعا جان-جاقتى قولداۋ جاسالادى. راسىمەن، وسىنداي قيىن ساتتە قوعام بولىپ جۇمىلۋدىڭ جانە ءوزارا دەمەۋ بولۋدىڭ ماڭىزى زور. سوندىقتان مەزگىلسىز قايتىس بولعانداردىڭ وتباسىلارىنا، تۋعان-تۋىستارىنا سەناتتىڭ اتىنان تاعى دا كوڭىل ايتىپ، قازا تاپقانداردى ءبىر مينۋت ۇنسىزدىكپەن ەسكە الايىق»، - دەدى سەنات ءتوراعاسى ماۋلەن اشىمبايەۆ.
بۇدان بۇرىن حابارلانعانداي، قاراعاندىنىڭ كوستەنكو شاحتاسىنداعى اپاتتان قازا تاپقان ادامداردىڭ سانى 46 عا جەتتى.
