سەنات سپيكەرى: «وزگەر نەمەسە ءول» ۇرانى بۇرىن-سوڭدى بولماعان وزەكتىلىككە يە

- بۇگىندە جەتەكشى ەلدەر ازدى-كوپتى قالپىنا كەلدى جانە ينفلياتسيا باقىلاۋعا الىندى. ءبىراق، جاعدايدى الەمدىك نارىقتاردىڭ تۇراقسىزدىعى كۇردەلەندىرەدى جانە كوپتەگەن ەل پروتەكتسيونيزم ساياساتىن كوبىرەك ۇستانادى. دونالد ترامپتىڭ سايلاۋالدى ۋادەلەرىنىڭ ءبىرى كورشىلەس، سونىمەن قاتار وزگە دە ەلدەرگە قاتىستى ساۋدا باج سالىعىن ەنگىزۋ ەكەنىن ەسكەرە وتىرىپ، الداعى كەزەڭدە ساۋدا سوعىستارىنىڭ كۇشەيۋىن كۇتۋگە بولادى. بۇل باعىتتا العاشقى قادام ءقازىردىڭ وزىندە جاسالدى، - دەدى سەنات سپيكەرى.

ونىڭ اتاپ وتۋىنشە، ينۆەستيتسيا ءۇشىن كۇرەس كۇشەيىپ كەلەدى. ءۇشىنشى جىل قاتارىنان جاھاندىق شەتەلدىك ينۆەستيتسيالاردىڭ كۇرت تومەندەۋى بايقالادى. وتكەن جىلى ورتالىق ازياعا تىكەلەي ينۆەستيتسيالاردىڭ قۇلدىراۋى 39 پايىزدى قۇرادى. دۇنيەجۇزىلىك بانك جىل سايىنعى جاھاندىق ءوسىمدى 2,7 پايىز دەڭگەيىندە بولجام وتىر. بۇل رەتتە ساۋدا گەوساياسي بلوكتاردىڭ ەمەس، ولاردىڭ ىشىندە كوبىرەك ورىن الماق.

- ەلىمىز جاھاندىق ەكونوميكالىق جۇيەنىڭ بولىگى رەتىندە ونىڭ سىن-قاتەرلەرىنە بەيىمدەلۋ قاجەتتىلىگىمەن بەتپە- بەت كەلىپ وتىر. قازىر ەڭ تانىمال «وزگەر نەمەسە ءول» ۇرانى بۇرىن- سوڭدى بولماعان وزەكتىلىككە يە. بىزدە قارقىندى العا جىلجۋدان باسقا امال جوق. بۇگىندە، جاڭا تەحنولوگيالىق قۇرىلىستىڭ ءرولىن بىرنەشە ەسە ارتتىرۋ، جاھاندىق اۋقىمدا يننوۆاتسيالاردى، سيفرلاندىرۋدى جانە جاساندى ينتەللەكتىنى قارقىندى دامىتۋ داۋىرىندە ەكونوميكامىزدىڭ تۇراقتى جانە ينكليۋزيۆتى ءوسۋىن قامتاماسىز ەتۋ ءۇشىن جاڭا تاسىلدەر ومىرلىك ماڭىزعا يە، - دەدى ماۋلەن اشىمبايەۆ.

بۇعان دەيىن سەنات ءتوراعاسى بىرىككەن ۇلتتار ۇيىمىنىڭ ۇلتتار ليگاسى تاعدىرىن قايتالاۋ قاۋپى بار ەكەندىگىن بىلدىرگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى