سەنات ك س ر و-داعى ونەرتابىستار قۇپياسىنا قاتىستى كەلىسىمنىڭ قولدانىسىن توقتاتتى
استانا. KAZINFORM - بۇگىن سەناتتىڭ جالپى وتىرىسىندا «1999 -جىلعى 4-ماۋسىمداعى ونەرتابىستاردى قۇقىقتىق قورعاۋ سالاسىندا مەملەكەتارالىق قۇپيالاردىڭ ساقتالۋىن ءوزارا قامتاماسىز ەتۋ تۋرالى كەلىسىمنىڭ قولدانىسىن توقتاتۋ تۋرالى حاتتامانى راتيفيكاتسيالاۋ تۋرالى» زاڭى ماقۇلداندى.
وسى كەلىسىمگە 1999 -جىلعى 4-ماۋسىمدا مينسك قالاسىندا تاۋەلسىز مەملەكەتتەر دوستاستىعى ۇكىمەت باسشىلارى قول قويدى. كەلىسىمنىڭ ماقساتى - قۇپيا ونەرتابىستار تۋرالى مالىمەتتەردىڭ قۇپيالىعىن قامتاماسىز ەتۋ. سونداي-اق، بۇرىنعى ك س ر و-دا جاسالعان قۇپيا ونەرتابىستاردى قۇپياسىزداندىرۋ ءتارتىبىن ايقىنداۋعا باعىتتالدى.
«كەلىسىمنىڭ ت م د-عا قاتىسۋشى مەملەكەتتەردە قولدانىلۋ مەرزىمىنىڭ بارلىق كەزەڭىندە ك س ر و-دا جاسالعان قۇپيا ونەرتابىستارعا قورعاۋ قۇجاتتارىن بەرۋگە بىردە-ءبىر ءوتىنىش جولدانباعان. سونداي- اق، قۇپيا ونەرتابىستاردى قۇپياسىزداندىرۋدىڭ بىردە- ءبىر جاعدايى تىركەلمەگەن. سونىمەن قاتار، ونەرتابىستاردى قورعاۋ مەرزىمى 20 جىلدى قۇرايتىنىن اتاپ وتكەن ءجون. قازىرگى كەزدە ك س ر و-دا جاسالعان بارلىق ونەرتابىستار بويىنشا قورعاۋ قۇجاتتارىنىڭ ارەكەت ەتۋ مەرزىمى ءوتىپ كەتتى. وسىعان بايلانىستى ت م د-نىڭ اتقارۋشى كوميتەتى كەلىسىمنىڭ ماڭىزىنىڭ جوقتىعىنا بايلانىستى قولدانىسىن توقتاتۋ تۋرالى ماسەلە كوتەردى. مۇنىمەن قوسا، ت م د-نىڭ سىرتقى ىستەر مينيسترلەرى كەڭەسىنىڭ 2018 -جىلعى 27-قىركۇيەكتەگى ت م د اياسىندا جاسالعان كوپجاقتى شارتتاردىڭ قولدانىسىن توقتاتۋ تۋرالى قۇجاتتاردىڭ جوبالارى تۋرالى شەشىمىنىڭ، ت م د-نىڭ مەملەكەت باسشىلارى كەڭەسىنىڭ جانە ۇكىمەت باسشىلارى كەڭەسىنىڭ شەشىمدەرىنىڭ نەگىزىندە ت م د-نىڭ اتقارۋشى كوميتەتى ونەرتابىستاردى قۇقىقتىق قورعاۋ سالاسىندا مەملەكەتارالىق قۇپيالاردىڭ ساقتالۋىن ءوزارا قامتاماسىز ەتۋ تۋرالى كەلىسىمنىڭ قولدانىسىن توقتاتۋ تۋرالى حاتتاما ازىرلەدى»، - دەدى سەناتور سوۆەتبەك مەدەبايەۆ.
اتالعان حاتتامانى ازىرلەۋدىڭ ماقساتى مەن نەگىزگى مىندەتى - قۇپيا ونەرتابىستارعا قورعاۋ قۇجاتتارىن بەرۋ تۋرالى ماتەريالداردىڭ بولماۋىنا جانە قۇپيا ونەرتابىستاردى قۇپياسىزداندىرۋ جاعدايلارىنا بايلانىستى كەلىسىمنىڭ قولدانىلۋىن توقتاتۋ.
«قازىر حاتتامانى ازەربايجان رەسپۋبليكاسى، بەلارۋس رەسپۋبليكاسى، قىرعىز رەسپۋبليكاسى، تاجىكستان رەسپۋبليكاسى، رەسەي فەدەراتسياسى راتيفيكاتسيالادى. قازاقستان رەسپۋبليكاسى كەلىسىمنىڭ قولدانىسىن توقتاتۋ تۋرالى حاتتاماعا 2020 -جىلعى 8-جەلتوقساندا قول قويدى. سەناتتىڭ تۇراقتى كوميتەتتەرىنەن وسى زاڭ بويىنشا ەسكەرتۋلەر مەن ۇسىنىستار كەلىپ تۇسكەن جوق.
«قازاقستان رەسپۋبليكاسىنىڭ حالىقارالىق شارتتارى تۋرالى» قازاقستان رەسپۋبليكاسى زاڭىنىڭ 13 جانە 14-باپتارىنا سايكەس حاتتاما راتيفيكاتسيالاۋعا جاتادى. اتالعان زاڭدى قابىلداۋ تەرىس الەۋمەتتىك - ەكونوميكالىق نەمەسە قۇقىقتىق سالدارعا اكەپ سوقپايدى جانە مەملەكەتتىك بيۋدجەتتەن قوسىمشا شىعىستاردى تالاپ ەتپەيدى»، - دەدى سەناتور.
