سەنات دەپۋتاتى اۋىلدى دامىتۋ باعدارلاماسىن سىنعا الدى

دەپۋتات ەڭبەك نارىعى مەن الەۋمەتتىك ينفراقۇرىلىمدى دامىتۋ تۇرعىسىنان وڭىرلەر دە، مەگاپوليستەر دە قازىر مۇنداي كوشى-قونعا دايىن ەمەس ەكەنىن ايتتى. ج. جورگەنبايەۆ اۋىلدىڭ الەۋمەتتىك ينفراقۇرىلىمىن جەتىلدىرۋ نەگىزىندە ەلىمىزدىڭ قاۋىپسىزدىگىن قامتاماسىز ەتۋ قاجەت دەپ سانايدى.

«اۋىل - ەل بەسىگى» باعدارلاماسى اياسىندا 2019-2023-جىلدارى رەسپۋبليكالىق بيۋجەتتەن 524 ميلليارد تەڭگە ءبولىنىپ، 1,5 مىڭنان اسا اۋىلدى ەلدى مەكەندە 5 مىڭنان استام جوبا ىسكە اسىرىلدى. دەگەنمەن ونىڭ ناتيجەسى كوڭىل كونشىتپەي وتىر»، - دەدى دەپۋتات ۇكىمەت باسشىسى ولجاس بەكتەنوۆتىڭ اتىنا جولداعان ساۋالىندا.

سەناتوردىڭ پىكىرىنشە، ۇكىمەت قازىر اۋىلدارعا جاعداي جاساپ، اۋىل شارۋاشىلىعىنا عانا ەمەس، اۋىل تۇرعىندارىنىڭ مادەني ومىرىنە، دەنساۋلىق ساقتاۋ جۇيەسى مەن ينفراقۇرىلىمعا دا نازار اۋدارۋى ءتيىس.

«شەكارا ماڭىنداعى اۋىلدارداعى بيۋجەتتىك ينۆەستيتسيالىق جوبالاردى قارجىلاندىرۋعا باعىتتالعان بولەك بيۋجەتتىك باعدارلاما اشۋ كەرەك. سونىمەن قاتار، قولدانىستاعى زاڭنامادا بەلگىلەنگەن اۋىلدىق ۇستەماقىدان تىس مەملەكەتتىك شەكاراعا 50 ك م جاقىن ورنالاسقان اۋىل قىزمەتكەرلەرى ءۇشىن لاۋازىمدىق جالاقىعا 50 پايىزعا دەيىنگى مولشەردە ۇستەماقى بەلگىلەۋ مۇمكىندىگىن قاراستىرۋ كەرەك»، - دەدى دەپۋتات.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى