سەنات ءتوراعاسى ەلىمىزدەگى ءدارى-دارمەك ءوندىرۋ سالاسىنداعى كورسەتكىشتەردى سىنعا الدى

«رەسمي ستاتيستيكاعا سايكەس، وتاندىق وندىرۋشىلەردىڭ ءبىزدىڭ ءدارى-دارمەك نارىعىنداعى ۇلەسى قازىر %10 قۇرادى. ياعني، كەم دەگەندە تالاپ ەتىلگەن 30 پايىزعا جەتۋ ءۇشىن بىزگە ءالى دە كوپ جۇمىس اتقارۋ كەرەك. دەگەنمەن، ءبىز بۇل سالاداعى كورسەتكىشتەر تومەندەپ جاتقانىن كورىپ وتىرمىز»، - دەدى م. اشىمبايەۆ.

سەنات ءتوراعاسى بىلتىر نەگىزگى فارماتسيەۆتيكالىق ونىمدەردى ءوندىرۋ 2022-جىلعا قاراعاندا 10 پايىزعا ازايعانىن ايتتى.

«سونىمەن قاتار، ەلىمىزدە وندىرىلگەن ءدارى-دارمەكتىڭ ەكسپورتى بىلتىر 28,5 پايىزعا ازايىپ، ءدارى-دارمەك يمپورتى 3,5 پايىزعا وسكەن. ياعني، وتاندىق ءدارى-دارمەك ءوندىرىسىنىڭ ۇلعايۋىن ەمەس، كەرىسىنشە ازايۋى ءۇردىسىن كورىپ وتىرمىز»، - دەدى ماۋلەن اشىمبايەۆ.

بۇدان بۇرىن حابارلانعانداي، بۇگىن سەناتتىڭ جالپى وتىرىسىندا «زياتكەرلىك مەنشىك قۇقىقتارىنىڭ ساۋدا اسپەكتىلەرى جونىندەگى كەلىسىمگە تولىقتىرۋ ەنگىزۋ تۋرالى حاتتامانى راتيفيكاتسيالاۋ تۋرالى» زاڭى ماقۇلداندى.

حاتتامانى راتيفيكاتسيالاۋ دارىلىك زاتتاردى ءوندىرۋ كەزىندە زياتكەرلىك مەنشىك قۇقىعىن قورعاۋ ماسەلەلەرىن جەتىلدىرۋ ءۇشىن قۇقىقتىق جاعدايلار جاساۋعا مۇمكىندىك بەرەدى، قازاقستان حالقىنىڭ دەنساۋلىعىن قامتاماسىز ەتۋدى جانە ساپالى دارىلىك پرەپاراتتاردى ەمىن-ەركىن الۋ مۇمكىندىگىن كەڭەيتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى