سەنات ءتوراعاسى بيزنەستىڭ قانات جايۋىنا توسقاۋىل بولاتىن سەبەپتەردى اتادى

- قازاقستان نارىعىنداعى وليگوپوليانى جۋاسىتۋ - مەملەكەت باسشىسى شيكىزاتتىق ەمەس كىرىستەردىڭ ءوسۋى مەن ەكونوميكاداعى قۇرىلىمدىق وزگەرىستەر جولىندا قويعان ءبىرىنشى جۇيەلى مىندەت. ءبىراق، بيزنەستىڭ دامۋىنا جانە ۇلكەن جۇمىس ىستەۋىنە كەدەرگى كەلتىرەتىن تاعى ەكى نەگىزگى سەبەپ بار - سىبايلاس جەمقورلىق كەدەرگىلەرى جانە قارجى قاراجاتىنىڭ قولجەتىمسىزدىگى: ۇزاق نەسيەلەر مەن ەلەۋلى ينۆەستيتسيالار، - دەدى سەنات سپيكەرى.

ونىڭ پايىمىنشا، تەحنولوگيالىق وندىرىستەردى دامىتۋعا قابىلەتتى جەكە باستامالاردى بوساتۋ ءۇشىن تازا كاسىپكەرلىك تاۋەكەلدەرمەن بايلانىستى ەمەس كەدەرگىلەردى الىپ تاستاۋ قاجەت. بارلىق ارتىق تەكسەرۋ - سىبايلاس جەمقورلىققا تىكەلەي جول. سوندىقتان مەملەكەت باسشىسى جازالاۋ تاسىلىنەن ءۇزىلدى-كەسىلدى باس تارتۋدى تالاپ ەتتى. ەكونوميكالىق قۇقىق بۇزۋشىلىقتاردى قىلمىسسىزداندىرۋ، بيزنەستىڭ قۇقىقتارى مەن مۇددەلەرىن قورعاۋ جۇمىستارى باستالدى.

- تاعى ءبىر جەمقورلىق تۇزاعى - بۇل اكىمشىلىك كەدەرگىلەردىڭ تولىق تىزبەسى. الەۋەتتى ينۆەستورلاردى كۇرمەۋلى بيۋروكراتيالىق كۆەستتەر قورقىتادى. مىناداي بولادى: ءوندىرىس نىساندارىن سالا باستاۋ ءۇشىن عانا شامامەن 60 ءتۇرلى رۇقسات قاجەت. قورىتىندىسىندا، بۇكىل الەم ينۆەستورلارعا ەڭ جاقسى شارتتار ۇسىنىپ، ولار ءۇشىن كۇرەسىپ جاتقاندا بىزدە ەكونوميكاعا تىكەلەي ينۆەستيتسيالاردىڭ جالپى جانە تازا اعىنى ءبىرىنشى جىل تومەندەپ كەلە جاتقان جوق. بۇل ورايدا اكىمشىلىك پروتسەدۋرالاردى بارىنشا سيفرلاندىرۋ، قۇجاتتاردى قاراۋ ەرەجەلەرىن جەڭىلدەتۋ جانە ستاندارتتاۋ، «ءبىر تەرەزە» قاعيداتىن ەنگىزۋ كومەكتەسەدى. بيزنەستىڭ شەنەۋنىكتەرمەن بارلىق بايلانىسى يەسىزدەندىرىلگەن تۇردە ءبىرىڭعاي پلاتفورماعا اۋىستىرىلۋى ءتيىس، - دەدى ول.

بۇعان دەيىن سەنات ءتوراعاسى ەكونوميكانىڭ جەكەلەگەن ستراتەگيالىق سەكتورىندا مەملەكەتتىڭ ۇستانىمىن ساقتاۋ باسەكەلەستىكتى بۇرمالاماۋى تيىستىگىن ايتقان ەدى.

- تاعى ءبىر ماسەلە - ينۆەستيتسيالاردىڭ كوپ بولىگى ازىرشە ەكونوميكانىڭ كەلەشەگى بار سەكتورلارىندا جۇمىس ىستەمەيدى. ينۆەستيتسيالار ءالى دە شيكىزات جانە ونىمدىلىگى تومەن سەكتورلاردا شوعىرلانعان. مىسالى، وڭدەۋ ونەركاسىبىندە تومەن قايتا ءبولۋ وندىرىستەرى باسىم ۇلەس الادى. سوندىقتان ونىڭ بىلتىرعى 6 پايىزعا كوتەرىلۋى ساپالى ءوسىمدى قامتاماسىز ەتپەيدى، - دەدى ول.

وسى ورايدا سەنات سپيكەرى ەل پرەزيدەنتى 2023 -جىلعى جولداۋىندا وقشاۋلانۋ دەڭگەيى جوعارى وندىرىستىك كەزەڭ قۇرۋ مىندەتىن جۇكتەگەندىگىنە نازار اۋدارتادى.

- بۇل شەتەلدىك جەتكىزىلىمدەرگە تاۋەلدىلىكتى تومەندەتىپ قانا قويماي، قازاقستاندىق كومپانيالاردىڭ تەحنولوگيالىق ءوسۋى مەن يننوۆاتسيالىلىعىن قامتاماسىز ەتەدى. وسىلايشا، شيكىزات مودەلىنەن وتاندىق باسەكەگە قابىلەتتى ءونىم شىعارۋعا باعىتتالعان تەرەڭ وڭدەۋگە كوشۋدىڭ ناقتى دايىنداماسى پايدا بولادى. جارتىلاي شيكىزات ەمەس، كۇردەلى دايىن ونىمدەردى شىعاراتىن جوعارى قوسىلعان قۇنى بار وندىرىستەردى دامىتۋ جوعارى تەحنولوگيالىق جوبالارعا ينۆەستيتسيا سالۋعا بەيىل سىرتقى جانە ءوزىمىزدىڭ ينۆەستورلارىمىز ءۇشىن جاڭا ىنتالاندىرۋشى ارتىقشىلىقتاردى تالاپ ەتەدى. ءونىمدى ودان ءارى ەكسپورتتاۋعا باعىتتالعان ينۆەستيتسيالىق جوبالار ءۇشىن پرەفەرەنتسيالار پۋلىن قالىپتاستىرۋ قاجەت. بۇل ەكونوميكاعا ساپالى ينۆەستيتسيا تارتۋى ءتيىس، - دەدى ماۋلەن اشىمبايەۆ.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى