سەنەگالداعى پرەزيدەنت سايلاۋىندا ەڭ جاس كانديدات جەڭىسكە جەتتى

وعان مەملەكەتتەگى ۇلتتىق داۋىس بەرۋ كوميسسياسىنىڭ سارسەنبىدە جاريالاعان ناتيجەلەرى دالەل. بۇل تۋرالى شينحۋا اگەنتتىگى جازدى.

باسسيرۋ ديومايە فاي 2434751 داۋىس (54,28 پايىز) جيناعان. بۇل تۋرالى داكاردا وتكەن باسپا ءسوز ءماسليحاتىندا كوميسسيا ءتوراعاسى امادي ديۋف مالىمدەدى.

جەڭىمپازدىڭ ەڭ جاقىن قارسىلاسى، باسقارۋشى كواليتسيا اتىنان سايلاۋعا قاتىسقان امادۋ با 35,79 پايىز داۋىس جيناعان.

44 جاستاعى ب. د. فاي داكاردان شىعىسقا قاراي 115 شاقىرىم جەردە ورنالاسقان ندياگانياو قالاسىندا دۇنيەگە كەلگەن. داكارداعى Cheikh Anta Diop ۋنيۆەرسيتەتىندە زاڭ ماگيسترى دارەجەسىن العان. 2004 -جىلى ساياساتكەر ۇلتتىق اكىمشىلىك مەكتەبىنە وقۋعا ءتۇسىپ، ودان كەيىن سالىق ينسپەكتورى بولدى.

فاي 2023 -جىلى شىلدەدە پرەزيدەنت جارلىعىمەن تاراتىلعان «ەڭبەك، ەتيكا جانە باۋىرلاستىق ءۇشىن سەنەگالدىڭ افريكالىق پاتريوتتارى» (PASTEF) سەنەگال پارتياسىنىڭ باس حاتشىسى قىزمەتىن اتقاردى.

ب. د. فاي 2023 -جىلدىڭ ساۋىرىندە تۇرمەگە قامالعان جانە 14-ناۋرىزدا قىزمەتتەن كەتكەن پرەزيدەنت ماككي سال راقىمشىلىق تۋرالى زاڭ شىعارعان كەزدە بوساتىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى