سەمەيلىكتەر استاناداعى اسكەري پاراد شەرۋىن تاماشالاپ جاتىر
سەمەي. KAZINFORM - بۇگىن استاناداعى «قازاق ەلى» الاڭىندا ۇلى جەڭىستىڭ 80 جىلدىعىنا ارنالعان اسكەري پاراد ءوتىپ جاتىر، دەپ حابارلايدى اباي وبلىسىنىڭ اكىمدىگى.
سەمەيلىكتەر اسكەري شەرۋدى تاماشالاۋ ءۇشىن وبلىس ورتالىعىنداعى ارباتقا باردى.
ارداگەرلەر، وبلىستىق ءماسليحات دەپۋتتارى، ساياسي پارتيالار، ازاماتتىق قوعام وكىلدەرى مەن جاستار الاڭقايعا قويىلعان LED-ەكراننىڭ قاسىنا جينالدى.
ايتا كەتەيىك، ەلورداداعى اسكەري پارادقا قاتىسۋعا اباي وبلىسىنان 16 ادامنان قۇرالعان دەلەگاتسيا اتتاندى. ونىڭ ىشىندە تىل جانە ەڭبەك ارداگەرلەرى بار.
