سەمەيدە 6-سىنىپ وقۋشىسى سوققىعا جىعىلعان: كوميسسيا شەشىم شىعاردى
استانا. قازاقپارات - سەمەيدە كوميسسيا مەكتەپ وقۋشىسىن جاسوسپىرىمدەر سوققىعا جىققان وقيعا بويىنشا شەشىم شىعاردى، - دەپ حابارلايدى ماسساگەت.
كەشە كامەلەتكە تولماعانداردىڭ قۇقىقتارىن قورعاۋ جونىندەگى كوميسسيانىڭ وتىرىسى ءوتىپ، 22- اقپاندا بولعان جاسوسپىرىمدەرگە قاتىستى وقيعا قارالعان.
پوليتسيا مالىمەتىنشە، قۇقىقبۇزۋشىلارعا قاتىستى سوتالدى تەرگەۋ باستالعان.
«كوميسسيا ناتيجەلەرى بويىنشا وقيعاعا قاتىسۋشىلاردى ۋاقىتشا وقشاۋلاۋ جاعدايىندا تۇزەتۋ جانە پسيحولوگتارمەن جۇمىس ىستەۋ ماقساتىندا ديەۆيانتتى مىنەز-قۇلىقتاعى بالالارعا ارنالعان مامانداندىرىلعان مەكتەپكە جىبەرۋ ۇسىنىلدى. كوميسسيا ءۇش اتا-انانى اتا-انا قۇقىعىنان ايىرۋ جانە ءبىر وكىلدىڭ ەكى بالاعا قامقورشىلىعىن توقتاتۋ تۋرالى ۇسىنىس جاسادى»، - دەپ جازىلعان حابارلامادا.
بۇل ىسكە قاتىستى ماتەريالدار سوتقا جىبەرىلگەن، سوڭعى شەشىم سوتتا قابىلدانادى. كامەلەتكە تولماعاندار ءىسى جونىندەگى سوت جاسوسپىرىمدەر مامانداندىرىلعان مەكەمەدە بولاتىن مەرزىمدى انىقتاپ، اتا-انا قۇقىعىنان ايىرۋ تۋرالى تۇپكىلىكتى قاۋلى شىعارادى.
بۇعان دەيىنگى وقيعا
اباي وبلىسىنىڭ پوليتسياسى جوعارى سىنىپ وقۋشىلارى 6-سىنىپ وقۋشىسىن سوققىعا جىققان وقيعا بويىنشا قىلمىستىق ءىس قوزعادى. زارداپ شەككەن بالامەن پسيحولوگ جۇمىس ىستەپ جاتىر. بۇل وقيعانىڭ ۆيدەوسى الەۋمەتتىك جەلىدە تاراپ كەتتى.
