سەمەنت سەحىنداعى جارىلىس: تۇركىستان وبلىسى پوليتسيا دەپارتامەنتى تەرگەۋدى باستادى

تۇركىستان وبلىسىندا سەمەنت زاۋىتىنداعى جارىلىستان 52 جاستاعى جۇمىسشى مەرت بولدى.

اتالعان فاكت ق ر ق ك- نىڭ 156-بابى 3-بولىگى «ەڭبەكتى قورعاۋ ەرەجەلەرىن بۇزۋ» بويىنشا تىركەلدى. قىلمىستىق ءىس اياسىندا ءبىرقاتار ءتيىستى ساراپتامالار دا تاعايىندالدى. قازىرگى تاڭدا سوتقا دەيىنگى تەرگەۋ جۇرگىزىلۋدە.

«بولعان وقيعانىڭ بارلىق ءمان-جايى انىقتالۋدا. اتالعان جاعداي بويىنشا تەرگەۋ تۇركىستان وبلىسى پوليتسيا دەپارتامەنتىنىڭ باسشىلىعىنىڭ باقىلاۋىندا»، - دەدى تۇركىستان وبلىسى پوليتسيا دەپارتامەنتى باستىعىنىڭ ورىنباسارى اسىلجان قالداربەكوۆ.

ايتا كەتەيىك، سەمەنت زاۋىتتاعى جارىلىستان 1971-جىلعى ناۋقاس قايتىس بولدى. ال، قازىر جانساقتاۋ بولىمىندە ەكى ادام ەمدەلىپ جاتىر. ونىڭ ءبىرىنىڭ دەنەسىن 100 پايىز كۇيىك شالعان. ال، ەكىنشى ادامنىڭ دەنەسى 70-75 پايىزعا كۇيگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى